Scova

Quest articol chì l'è scrivuu in lombard, grafia milanesa.

	«Scova noeuva la scova ben.»
	(Proverbi lombard.)

Ona scova (alter sinonim: (s)granera, sbrindera, ramazza) l'è on arnes che 'l serviss per spazzà via la polver (o anca alter) e per nettà per terra. L'è fada su de on manegh bell longh e poeu de tant fij mettuu bei taccaa vun con l'alter.
A l'è on istrument bell antigh: a gh'è scov de fosg e materiai diferent, che s'hinn sviluppaa soratutt al dì d'incoeu.
In del Medioev, se credeva che i strii dovrassen i scov per sgolà via, e anca 'dess la scova a l'è 'l simbol pussee cognossuu (insemma al capell a ponta) per parlà di strii.

El termen "scova" el vegn giò del latin scopæ (el singolar, scopa, el gh'ha el significaa de brocch, ramett) e l'è doperaa anca in alter lengov neolatinn (cat. escombra, sp. escoba, sic. scupa, for. scove). In de l'Italia central inveci se dopera despess el termen granata (abruzzes: granàrë/ranèrë; emilian: granäda; toscan: granata; ladin granara; ma anca bressan granera o sgranera).

Ona scova de melga poggiada in su 'n mur.

Alter progett

Altri progetti

• Wikiquote
• Wikimedia Commons

• Wikiquote el gh'ha dent citazzion de o su Scova
• Wikimedia Commons el gh'ha dent imagin o alter archivi su Scova

Vos corelaa

• Aspiradora