Schlitteda
|
|
Quel articul chì l'è scrivüü in Lumbard, cun l'urtugrafia insübrica ünificada. |
La Schlitteda engadinesa l'è una slitada rumantega per i valaa ben nevaa, in gir cunt i slít trainaa de cavaj per el paesagg invernal.
La "Schlitteda" engadinesa, passada sgiò de generassiun in generassiun e metüda in pe tücc ij agn la segunda dumenega de Sgenee, l'è 'l "cluu" de l'invern endadines e desegür una gran festa. [1]
La festiva slitada per la volta val Engadinesa, ben nevada in de la lüs blö d'un dí invernal, l'è l'espressiun de la beatitüden e de la sgioja de vif de la „Giuventüna“, de la giuventü, de tücc i paes engadines. I bagaj inviten i so tusann in de la slita e i purten a cà: el „cavajee“ l'è in pee in del dedree e 'l tegn in di man bela franca la brija, menter la sua dama la se seta sgiò in de la slita denans a lü. Tücc e düü gh'hann indoss el custüm tradissiunal engadines e 'l caval medem l'è imbandii cunt campanej e bisgiuu.
I cavaj tiren driss per la sua via finn che riven in d'un sit prestabilii indua a speciaj, inscí de soldaj, gh'è del vin brülee e di dulz tipegh de la val. Pö i giuen vann a cà in di slít, slít che se fan semper püssee delunsg l’una de l’oltra, menter quij in de la slita se fan semper püssee vesin…
Chel'üsansa chi, in di temp andaa, l'eva una festa dumà di scapuj. Al didincö la "Schlitteda" l'è devegnüda una festa un puu per tücc, scapuj e minga scapuj, indua la müsega, el cant, e i baj se scandissen in di prim ur del matin.[2]