Seefeld in Tirol
Seefeld in Tirol l'è on comun austriegh, del land del Tirol. El fa part del distrett de Innsbruck-Land e 'l se troeuva a ona altituden de 1 180 meter sora del nivel del mar.
| Seefeld in Tirol Comun | |||||
|---|---|---|---|---|---|
| |||||
 | |||||
| Dats aministrativ | |||||
| Stat | Austria | ||||
| Land | Tirol | ||||
| Distret | Innsbruck-Land | ||||
| Politega | |||||
| Sindegh | |||||
| Territore | |||||
| Coordinade | 47°19′46″N 11°11′21″E / 47.329444°N 11.189167°E | ||||
| OSM | 942611 | ||||
| Voltituden | 1180 m s.l.m | ||||
| Superfix | 17,4 km² | ||||
| Abitants | 3 462 ab. (2020) | ||||
| Densitaa | 198.97 ab./km² | ||||
| Confin | Innsbruck e Scharnitz | ||||
| Fus orari | UTC+01:00 e UTC+02:00 | ||||
| Varie | |||||
| Prefiss | 05212 | ||||
| Codex postal | 6100 | ||||
| Sigla autom. | IL | ||||
| Codex SA | 70351 | ||||
| Localizazion | |||||
| Sit istituzional | |||||
El gh'ha 3 519 abitant (dato del sginer 2021[1]) e ona superfis de 17,38 km² per ona densitaa de popolazion de 202 ab./km².
El sò codes statistegh l'è 70351.
A l'è el capploeugh de l'inscì ciamada Olympiaregion Seefeld ch'a l'è stada teater di gioeugh olimpegh invernaj del 1964 e del 1976, tutt e duu cont sed a Innsbruck. Seefeld el se troeuva a pressapoch 20 km a nòrd-ovest de Innsbruck e a circa 10 km dal confin cont la Germania, longh la strada storega che la conliga Mittenwald a Innsbruck, ch'a l'è stada importanta fin da l'etaa de mezz. Seefeld a l'è staa citaa per la prima voeulta in del 1022 e, dal secol XIV a l'è staa on loeugh de pelegrinagg, che ha beneficiaa minga domà di visit di numeros pelegrin, ma anca del "diritt de mercaa" (Stapelrecht): per la sò localitaa a l'è diventaa on'importanta stazion de commerc a mitaa strada tra Venezia e Augusta. Oltra, a partì dal secol XIV, a s'è scominciaa anca a trà-foeura l'oli de scist tiroles.
Seefeld a l'è staa ona post de vacanza popolar anca prima de 1900 e, a partì di agn '30, a l'è diventaa famos comè per vess on center indue fà i diport invernaj e von di villagg turistegh pussee popolar de tuta l'Austria, El comun, ch'a l'è staa la sed di gioeugh olimpegh dò voeult, gh'ha daa i nadaj a l'Anton Seelos, inventor de la "curva a sci parallej".
Geografia
Modifega
El villagg el se troeuva sora l'altopian de Seefeld, a nòrd del fiumm Eno, sora el spartiacquu tra i basin de l'Inn e de l'Isar. L'altopian (che 'l comprend anca i villagg de Leutasch, Reith, Scharnitz e Mösern) a l'è zintaa da la cadenna di mont del Wetterstein a ovest e da la cadenna di mont del Karwendel a est; a sud, l'altopian el va giò cont on salt rapid comè vers la val de l'Eno. A nòrd, invece, l'alta val la pòrta, a travers el villagg de Scharnitz, vers el confin cont la Germania pasmà Mittenwald.
A Seefeld gh'hinn duu aree de montagna per scià o caminà: ona a l'è on còll cont la ponta rotonda, el Gschwandtkopf (1.495 meter); l'altra a l'è sora i laa di montagn, a est de l'altopian, e a l'è ciamada cont el nòmm istess del refugg che 'l se troeuva sora chel mont chì, Rosshütte. I montagn chì de seguit a dominanen l'altopian de Seefeld: el Seefelder Joch, el Seefelder Spitze (2.215 m), l'Härmelekopf (2.224 m) e 'l Reither Spitze (2.374 m).
Clima
Modifega
Stòria
ModifegaSeefeld a l'è staa citaa per la prima voeulta in del 1022 inquand gh'era gemò ona capella sora el lagh e ona fortezza[2]. In del 1384, se dis che gh'è staa on miracol eucaristegh cont protagonista el cavalier Osvald Milser, che, poeu, l'ha spingiuu per fà deventà pussee granda la gesa de Sant Osvald, deventada ogett de pelegrinagg[3].
Monument e loeugh d'interess
Modifega
- Parocchia e santuari de Sant Osvald
- Antigh monastee de Agostin, a ovest de la gesa, incoeu obersg a cinch stell; a l'era staa fondaa comè locanda in del 1516 da Massimilian I d'Asburgh
- El Pfarrhof (presbiteri), sora e a sud de la gesa
- Gesa de la Santa Cros del lagh (Seekirchl) a ovest del center del villagg. Simbol de Seefeld, a l'è stada costruida, enter el 1629 e 'l 1666, sòtta l'arciducca Leopold V d'Austria da l'architett de cort de Innsbruck, Cristofer Gumpp, in stilaa baròcch, e a l'è stada piturada dal Josef Anton Puellacher
- Cimiteri in del bosch de Seefeld, a l'estremitaa orientala del villagg, cont la sò capella e 'l sò monument dedicaa a i gent moruu durant el viagg dal camp de concentrament de Dachau, a la fin de april del 1945
- Ruinn del vegg castell de Schlossberg, a nòrd del villagg
- Preja miliara, del temp di roman; in del cors del temp, ona cros potenziada a gh'è stada intajada de sora[4]
Societaa
ModifegaEvoluzion demografega
ModifegaAbitant censii
Economia
ModifegaTurism
ModifegaSeefeld a l'è on centerimportant per el sci de fond. Chì s'hinn tegnuu tucc i event de sci nordich sia per i gioeugh olimpegh invernaj del 1964 che del 1976. A Seefeld a hinn staa faa anca i Campionaa mondiaj de sci nordich in del 1985 e anca i primm gioeugh olimpegh giovanij invernaj in del sgenee del 2015. Pussee d'ona voeulta i campionaa mondiaj s'hinn tegnuu chì.
L'area per el sci alpin a l'è picinina e fada aposta per i persònn ch'hinn dree a imparà. A gh'hinn dò aree separaa che sont unii da servizzi de corrier o tassì.
Seefeld a l'è popolar anca per chì voeur fà di passeggiaa grazie a la sò localitaa sora on altopian: a gh'è, infatt, on numer de passeggiad che se poden fà senza avè abilitaa per la rampegada.
Insemma a alter vundes cittadin, comè Cortina d'Ampezzo, Seefeld a l'è on member de la comunitaa Best of the Alps ("Mej di Alp")[5].
Cont la tabella chì de sòtta se pò vedè 'l numer de pernottament in del cors di agn:
| Ann | numer de pernottament |
|---|---|
| 1951 | 147.486 |
| 1956 | 358.382 |
| 1961 | 606.905 |
| 1966 | 825.139 |
| 1971 | 1.030.048 |
| 1976 | 1.124.825 |
| 1980 | 1.257.432 |
| 1992 | 1.370.000 |
| 2000 | 1.130.000 |
| 2001 | 1.148.520 |
| 2002 | 1.114.022 |
| 2003 | 1.087.431 |
| 2004 | 1.087.360 |
| 2005 | 1.102.164 |
| 2006 | 1.084.839 |
Spòrt
Modifega
In agn recent, Seefeld ha spantegaa-giò e renovaa i sò struttur sportiv e s'è posizionaa comè Center di Abilitaa Nordich (Nordisches Kompetenzzentrum) per l'allenament di squader e squader nazionaj e comè Ginasi per el Sci (Skigymnasium Stams).
A gh'hinn:
- el trampolin olimpegh de sci, dedicaa a "Toni Seelos", dent el compless Casino Arena sora el versant nòrd-ovest del Gschwandtkopf (HS 109 e HS 79)
- stand de biathlon cont 30 bersaj
- 279 km de pist per el sci de fond, 125 km di quaj a hinn per el patinagg e 154 km per el sci de fond classigh
Fotografii
Modifega-
Veduda dal Seefelder Joch. -
Seefeld veduu dal mont Reither Spitze. -
Gesa parocchiala de Sant Osvald (Sankt Oswald). -
Gesa Heilig Kreuz. -
Piazza principala del villagg.
Nòt e alter progett
Modifega
- ↑ Statistik Austria - Bevölkerung zu Jahresbeginn 2002–2021 nach Gemeinden (Gebietsstand 1.1.2021)
- ↑ (DE) Gemeinde Seefeld in Tirol - Zahlen und Geschichtliches. URL consultad in data 5-2-2015.
- ↑ (DE) Die Begebenheit mit Oswald Milser. URL consultad in data 5-2-2015.
- ↑ Dehio Tirol 1980, pp. 719–723
- ↑ (IT) Pagena taliana de Seefeld sora el sit ofizial del Best of the Alps Arqiviad qé: [1]
- (DE) 1964 Winter Olympics official report. pp. 95–103. Accessed 30 October 2010.
- (EN) (FR) (DE)1976 Winter Olympics official report. pp. 199–203. Accessed 10 November 2010.