Segnal stradal

Quest articol chì l'è scrivuu in lombard, grafia milanesa.

I segnai stradai a hinn di segnai mittuu in su la strada per informà i conducent in sui obbligh e pericoi de la strada e dà di indicazion in sui località e post arent.

Segnal stradal svizzer che 'l mostra i distanz de Lugan

Storia

Giamò i primm civiltà ch'even faa su di strad even mittuu di segnai per indicà soratutt i distanz di città pussee important de la zona, per esempi i peder miliar di roman.

Giamò in del 1600 di città europee even mittuu di segnài per regolamentà la precedenza in tra i carr che ghe viaggiaven dent.

Cont el rivà e la diffusion di automòbil in di primm agn del 1900 a l'è deventaa necessari anca doperà di segnai per nonzià el pericol, i proibizion, i obbligh e i precedenz.

In del 1909 noeuv governi europee s'hinn accordaa in sui pittogramma de doperà per la curva, l'incros, el passagg a nivell e doss. L'è staa el principi de 'n lavorà che l'ha menaa al nass di segnài stradai europee, finii in del 1949.

Categorij e convenzion

La Convenzion de Vienna in su la segnaletega stradala del 1968, firmada de 52 paes, la preved i:

• Segnai de perigol
• Segnai de precedenza
• Segnai de proibizion
• Segnai de obbligh
• Segnai de corsia reservada
• Segnai de informazion e de servizzi
• Segnai de direzion
• Pannej integrativ

Stat Unii, Canada, Irlanda, Noeuva Zelanda e Australia han desviluppaa on sò sistema fondaa in sul Manual on Uniform Traffic Control Devices american che 'l preved:

• Segnai de regolamentazion
• Segnai de pericol
• Segnai de guida
• Segnai per la gestion di emergenz
• Segnai temporari
• Segnai de scoeula
• Segnai di tram e treni
• Segnai di biciclett

A differenza di segnài de Vienna 'sti segnài fann ampi us, soratutt in di Stat Unii, del test inveci che di pittogramma.

Vos corelaa

• Semafer