Segnalament ferroviari de la metropolitana de Milan

Lumbard ucidental Quest articol chì l'è scrivuu in lombard, grafia milanesa.

El segnalament ferroviari de la metropolitana de Milan a l'è doperaa per garantì 'na circolazion corretta e segura di treni e 'l vària a segonda de la linia. Dal 2013 i lign 1, 2 e 3 a hinn controlaa de 'n unega sala operativa progettada de la Alstom.

Segnal giald cont ona motris in transit

Linia 1, 2 e 3Modifega

Segnalament a blocch fissModifega

La linia 1 e 2 han compartii, finna al 2011, el midemm segnalament a blocch fiss, che 'l dopera i lus di semafer per indicà sia la circolabilità sia la velocità de tegnì. Dal 2011 la linia 1 l'è stada convertida a 'n sistema a blocch mobil cont operatività automatica di treni, e 'l sistema el resta doperaa domà in su la linia 2, indova che 'l gh'avarìa de vèss sostituii cont el noeuv sistema per el 2024.

I segnai a hinn a vela tonda se mittuu a destra, sens de circolazion legala, e quadraa se mittuu a sinìstra. Quand che hinn in superfiss doperen la midemma forma di semafer del segnalament FS, in galleria inveci a hinn unii in d'on unega vela e a foeugh de color, compagn di semafer di auto.

De solit domà i stazion e la sezion direttament dedree a 'n treno in passagg a hinn protegiuu de 'n ross imperativ, anca per evità de fermà i treni in galleria, e gh'è, dedree de ògni treno, on para de sezion in ross, vuna gialda e poeu el verd. El giald a l'è doperaa anca in di situazion de scarsa visibilità o per reson de sicurezza o ambientaj.

Segnai de marcia
Immagin Color Significaa Limit de velocità
Ross Via impedida imperativa 0 km/h
Ross con cartell P fiss o luminos Via impedida permissiva 15 km/h cont marcia a vista
Ross-giald Via libera cont limitazion (a bassa velocità) 30 km/h
Giald Via libera cont limitazion (a media velocità) 50 km/h
Verd Via libera condizionada 85 km/h (M1)
75 km/h (M2)
Segnai de manoeuvra
Segnal Color Condizion
Ross Manoeuvra impedida
Ross-giald Manoeuvra permessa con prudenza

I segnai ausiliari, per esempi de rallentament o de cantier, hinn compagn de quej doperaa in di Ferrovij del Stat italian.

Ripetizion in gabinaModifega

I treni de la linia 2 a hinn dotaa - e quej de la linia 1 eren dotaa - de 'n sistema de ripetizion in gabina che, a differenza de quell standard italian che 'l ripet el segnal passaa, l'avvisa de l'aspett prossim segnal.

Segnalament a blocch mobilModifega

Linia 1Modifega

Dal 2011 in su la M1 a l'è staa installaa on sistema de segnalament che 'l permettaria de rivà, in cas de necessità, a 'na frequenza de 90 segond a treno, prima limitada a 120. El sistema el dopera ATC a blocch mobil che 'l regola costantement la distanza di sicurezza di treni. L'ATO, poeu, el regola la velocità in manera de respettàlla. I semafer doperaa in del sistema a hinn a dò lus: Vuna rossa, che la reppresenta el via impedida e vuna bianca o verda, che la reppresenta la via libera, cont la possibilità de doperà l'esercizzi interstazional, pussee lent e reppresentaa domà de 'na lus bianca, in cas de necessità 'me di guast o 'n period de bassa frequenza.

Linia 3Modifega

La linia 3 a l'è de la soa creazion in di agn '90 squasi completament automatizzada, cont ATC, ATP e ATO, e 'l roeul del macchinista a l'è limitaa dònca a dà el consens per sarà i port e fà partì el treno.

I semafer ferroviari doperaa in su la linia 3 reppresenten donca la via libera (ross e verd o bianch) o la via impedida (domà ross), sènza reppresentà di limitazion de velocità, che hinn deciduu poeu del sistema, e in teoria servissen domà per sicurezza, degià che in esercizzi ordinari a hinn essezialment inutil.

Segnalament ATCModifega

Segnal Color Significaa Condizion
Ross Via impedida El treno el gh'ha de fermàss prima del segnal
Bianch Via libera cont marcia interstazionala El treno el gh'ha la via libera finna a la prossima stazion, doperaa in cas de guast o de marcia degradada
Ross-bianch Via libera El treno el gh'ha la via libera e 'l gh'avarà de respettà i indicazion del sistema

Linia 5Modifega

Degià che la linia 5 a l'è intregament automatega la dopera on sistema de segnalament automàtich e computerizzaa de la Ansaldo che 'l dopera no di semafer classich.

'Sto sistema el permètt, in teoria, de mandà in su la linia on treno ogni 75 segond, ma in pratega la frequenza minima a l'è de 90 segond, doperada soratutt in occasion di manifestazion al Stadi.

Galleria di fotoModifega

RiferimentModifega

BibliografiaModifega

Vos corelaaModifega