Lumbard ucidental Quest articol chì l'è scrivuu in lombard, grafia milanesa.

El Lagh del Segrin (pronunciaa anca [sa'griŋ] o [sa'greŋ]; Lago del Segrino in Italian) a l'è on lagh lombard piscinin e de origin glacial situaa in de la Brianza comasca, tra i comun de Canz, Longon ed Eupili.
L'è famos per la soa posizion tranquilla e la qualità di sò aqui, ròbb che hann ispiraa ona mòtta de scrittor in del Vòttcent.

El lagh

Caratteristigh fisigh e geològigh Modifega

El lagh el gh'ha ona forma slongada in direzion nòrd-sud, ona longhezza de circa 1800 meter e ona larghezza de on massim de 400 meter vers la part meridional. L'è limitaa a est di mont Pesora e Cornizzoeu e a òvest del mont Sciòscia.
El lagh l'è nassuu de ona morena glacial e 'l gh'ha nissun emissari.