Segunda Curinz Capitel Cinch

Quel articul chì l'è scrivüü in Lumbard, cun l'urtugrafia insübrica ünificada.

Segunda Curinz

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

Capitel Cinch

¹Già che savèmm che se la nostra cà de la tènda sü la tèra la sarìa destrüta, ancamò gh'èmm una fàbrica de Diu, una cà etèrna, fada no cunt i man, in di cél. ²Già che anca in de chèst lamentum, bramand de vèss vestii sura cun la nostra cà che l'è di cél, ³se defàtt despö che sèmm staa sbiutaa, sarèmm truaa no biott. ⁴Già che anca nümm che sèmm in de la tènda lamentum avendugh un pés, de la qual vörum minga vèss sbiutaa ma vestìmm sura, perchè la murtalitaa la sia majada de la vita. ⁵E Diu l'è lü che l'ha lauraa in de nümm per chèsta medema cossa, che 'l m'ha daa la capara del Spirit.
⁶Dunca, già che gh'èmm cunfidénza semper e savèmm che intanta che stèmm a cà in del corp sèmm assént del Signúr--⁷defàtt caminum per la féd, no per la visiún--⁸gh'èmm cunfidénza e ciapum piasè pütost de vèss assént del corp e stà a cà cunt el Signúr. ⁹Dunca, anca gh'èmm ambiziún, se a cà o assént, de vèss piasevul a Lü. ¹⁰Già che l'è necessari che tücc nümm cumparum denanz al tribünal de Crist, perchè ogni persona la riceva dedree i coss che l'ha faa in del corp, se bon o mal.
¹¹Dunca, già che savèmm la pagüra del Signúr, persüadum i vèss üman e sèmm staa manifestaa a Diu: e speri de vèss manifestaa anca in di voster cusciénz. ¹²Me recumendum no de növ a vialter ma ve dèmm l'upurtünitaa de vant per nümm, perchè gh'àbiuv quajcossa per quij che vanten in de la fàcia e no in del cör. ¹³Già che se dèmm föra de matt, l'è per Diu, o sèmm giüst de cuu, l'è per vialter. ¹⁴Già che 'l bén de Crist el me ten insèma, nümm che èmm giüdegaa chèst: che vün omm l'è mort per tücc, dunca, tücc hinn mort; ¹⁵e l'è mort per tücc, perchè quij che viven, viven no per sé medemm, ma per lü che l'è mort per lur e l'è staa levaa sü.
¹⁶Dunca, de adèss innanz, nümm cugnussum nissün segund la carna: se anca èmm cugnussüü Crist segund la carna, adèss el cugnussum pü inscì. ¹⁷Dunca, se quajdün l'è in del Crist, l'è una növa creaziún: i vègg coss hinn passaa via, varda, i növ coss hinn vegnüü; ¹⁸e tüsscoss l'è de Diu che 'l m'ha recunciliaa a sé medemm per mèzz del Crist e che 'l m'ha daa 'l ministéri de recunciliaziún, ¹⁹cumè che Diu l'è dree a recunciliàgh el mund in del Crist, cunsiderand no i lur trasgressiún cuntra lur, e avend metüü intra nümm la parola de recunciliaziún. ²⁰Dunca, sèmm ambassadúr per Crist cumè de Diu, che l'esurta per mèzz de nümm: dumandum per Crist che vialter siuv recunciliaa a Diu. ²¹Lü l'ha faa l'omm che l'ha minga cugnussüü 'l pecaa el per nümm, perchè devegnum la giüstizia de Diu in de lü.

Navigaziun

• ← Indree a Capitel Quater
• Inanz a Capitel Ses →
• A l'indes