Sens unegh alternad
|
Quest articol chì l'è scrivud in lombard, con la Noeuva Ortografia Lombarda |
El sens unegh alternad a l'è una manera de gestì el trafegh in su 'na strada che, compagn del sens unegh, el gh'ha 'me regola che domà i veicoi che vegnen de un sens poden passà ma a gh'è l'alternanza de 'sti sens. In la version pussee fondamental, a gh'è un segnal che 'l dis chi l'è che 'l gh'ha la precedenza e chi l'è che 'l gh'ha de dàlla, se quell che 'l gh'ha de dàlla el ved che la strada l'è libera el po passà, quand che l'è minga possibel, per esempi perchè la strada la gh'ha minga de visibilità, se poden doperà di semafer a temp.
Anca se l'è doperad soratut in di canter quand che la gh'è 'na reduzzion temporanea de la corsia, a gh'è di cas indova che l'è permanent, compagn del Pass di Stalle che el conliga l'Austria a l'Italia a travers di Alp e che in d'un quaj pont a l'è trop strecc, donca de l'Austria se po partì in del prim quart d'ora, de l'Italia del terz e 'l temp che 'l resta el garantiss che la strada l'è voeuda.