Senza el Partid Comunista, la ghe saria no la noeuva China
|
Quest articol chì l'è scrivud in lombard, con la Noeuva Ortografia Lombarda |
Senza el Partid Comunista, la ghe saria no la noeuva China (没有共产党就没有新中国 in chines) a l'è un cant patriotegh e de propaganda chines, scrivud di comunista in risposta al slogan del Kuomintang del 1943 che 'l diseva "senza el Kuomintangh, la ghe saria no la noeuva China": pussee de precis, al temp de la guerra cont el Giapon el Chiang Kai-shek l'haveva dad foeura un liber, "el destin de la China", con quella fras lì, i comunista in sul Jiefang Ribao gh'hann respondud e 'l sgioven ativista Cao Huoxing, a partì de la risposta, l'ha scrivud la canzon.
In su l'Autostrada G108, vesin Xiayunling, indova che l'è stada scrivuda la canzon, a gh'è un toch de strada musegal longa 587 meter che la sona quella canzon lì.