Seretse Khama
El Seretse Khama (Serowe, 1 de luj 1921 - Gaborone, 13 de luj 1980) a l'è staa 'n politegh del Botswana, primm president del Pajes dopo de l'independenza.
Nevod del Re di sgent Bamangwato e ered teorich, l'è slontanaa del Pajes quand che 'l se marida cont ona donna bianca, anca grazia ai pression del Sudafrica che l'eva appena miss in pee l'Apartheid, el torna pocch dopo e l'è elegiuu pocch dopo 'me primm minister cont el sò Partii Democrategh del Bechuanaland, che 'l travolgg i partii socialista e pan-africanista. A l'independenza del 1966 l'è nomenaa president, cont ona noeuva costituzion, e l'è rielegiuu president finna a la soa mort.
A differenza de la pupart di leader africann post-independenza el s'è caratterizaa per on atteggiament de collaborazion cont i bianch e l'ha vorzuu no renonzià ai aspett positiv del sistema bianch, l'ha accettaa de bon grad el capitalism, l'ha implementaa ona politega de fort liber scambi e l'ha investii i danee di resors, estratt in collaborazion cont i impres europee, in la sanità e in l'istruzion, inscì de formà pussee cittadin per el futur, e in sui infrastruttur, ch'eren pocch quand che 'l Pajes l'eva deciaraa l'independenza. Grazia a 'sti politegh el Botswana a l'è deventaa vun di Pajes cont el cress economegh el pussee volt del mond e vun di Pajes pussee sciori de l'area.
Riferiment
ModifegaAlter progett
Modifega
Wikimedia Commons el gh'ha dent imagin o alter archivi su Seretse Khama
