Sermon divin
El Sermon divin l'è on poema didascalegh del XIII secol (in tra el 1264 e 'l 1274), scrivuu del Peder de Barsegapè in de la koinè lombarda.
A l'è longh 2.453 vers e 'l gh'ha tre sezzion fondamentai: la creazzion del mond, la Passion del Signor e 'l Giudizzi Universal.
L'è consideraa el test pussee antigh de la letteradura lombarda, insemma al Liber de Uguçon da Laodho, e l'è custodii a la Biblioteca Braidensa de Milan.
El princippi de l'oeuvera (vv. 1-10) Modifega
No è cosa in sto mundo, tal è lla mia credença
ki se possa fenir, se no la se comença.
Petro de Barsegapè si vol acomençare
e per raxon fenire, segondo ke l ge pare:
ora omiunca homo intença e stia pur in pax
sed kel ne ge plaxe audire d'un bello sermon verax:
cumtare eo se volio e trare per raxon
una istoria veraxe de libri e de sermon,
in la qual se conten guangii e anche pistore
e del novo e del vedre testamento de Criste.