Silva Semadeni
|
|
Quel articul chì l'è scrivüü in Lumbard, cun l'urtugrafia insübrica ünificada. |
La Silva Anita Semadeni, nassüda 'l 8 de fevree 1952 a Basileja residenta a Pus'ciav, l'è un' istorega, politega e insegnanta sgüissera. La insegna a la scöra cantunala de Cuira (al gimnasi bilengh), e l'è un'espunenta del Partii Sucialdemucrategh Sgüisser.
Biugrafia
ModifegaLa Silva Semadeni l'è chersüda sü a Pus'ciaf, in del Cantun Grisun. La Silva l'ha stüdiaa l'istoria, l'etnulugia e la literadüra Taliana a Zürigh, Firens e Berlin.
Del 1994 fin al 1996 l'ha representaa 'l Partii Sucialdemucrategh Sgüisser in del Cunsej cumünal de Cuira, capital di Grisun. Del 1995 fin al 1999 a l'ha representaa 'l so cantun cuma cunsejera nassiunala in del parlament sgüisser a Berna. In del 2011 la Semadeni l'è stada 'ncamò elegiüda in del Cunsej Nassiunal Sgüisser. I so mir pulitegh prinsipaj hin i setur de la prutessiun de la natüra, de l'energia e de la cultüra.
Del 2002 a l'è la presidenta de la Pro Natura, la pü impurtanta organisassiun per la prutessiun de la natüra in Sgüissera. Al didincö a l'è vüna di member de la Cumissiun del Parc Naziunal Svizzer (ENPK), e de la Cumissiun dal Fond Svizzer per la Cuntrada (FSC), del cunsej d'aministrassiun de l’IBC Energie Wasser Cuira, del cunsej de la fundassiun del Cunvent San Jon a Müster. La Semadeni l'è stada pü agn vüna di member del Cunsej de la fundassiun de la Pro Helvetia, la fundassiun nassiunala che la prumöf la cultüra sgüissera (2000-2008).
La Silva Semadeni l'è maridada e la vif a Cuira.
Ligam in sü la Red
Modifega- Sit Web Ufizial de la Silva Semadeni Arqiviad qé: [1] (Tudesch, Talian, Rumantsch Grischun)
- La Silva Semadeni in sü la pagina web del Partii Sucialdemucrategh Griscunes (in Tudesch)
- Natur-Anwältin. Intravista in del Coopzeitung. 26/2007 (in Tudesch)