Sleeperette
I Sleeperette a hinn staa di carrozz, derivaa di MDVE, per el servizzi notturn a longa percorrenza, cont i sedij reclinabij.
Storia
ModifegaIn del 1985 i FS ordenen 20 unità di MDVE de 55 pòst adattaa per el servizzi notturn de prima class, cont l'ideja de convertìnn àlter 20 de 66 pòst de segonda class, ròba mai fàda.
Gh'aveven ona livrea bianca cont ona fascia bloeua in sui finestritt, cont sotta 'na fascetta naranza.
El servizzi, scominciaa in del giugn 1987, el gh'ha avuu no success, degià che la pupart di personn la preferiva la cuccetta, anca de segonda class, e la lamentava el mancà de privacy in cambi de 'n biliett de prima class. Anca se poeu l'è staa mittuu 'n biliett de segonda cont supplement, a l'è restaa istess pocch doperaa.
Accantonaa brevement, a hinn mittuu a inizzi agn '90 in servizzi in di interregionai in tra Bologna e 'l Brenner, cont di us anca in la Lombardia meridionala.
In tra el 1997 e 'l 2003 a hinn staa tucc trasformaa in MDVE classich.
Caratteristich
ModifegaI carrozz Sleeperette eren di MDVE cont l'allestiment interno cambiaa, con dent di portabagagg pussee resistent e soratutt di sedij reclinabij, boni per dormì.
Gh'aveven di finestritt a compass, ma on'unità sperimentala la gh'eva i finestritt fiss e l'aria condizionada.
Incoeu, i Sleeperette a hinn staa trasformaa tucc in MDVE standard, de che se pòden destingov del facc che gh'hann i dobbi servizzi.