Snorri Sturluson

Quest articol chì l'è scrivuu in lombard, grafia milanesa.

Quella vos chi la gh'ha mìnga dì font o a hinn tròpp pocch. Per piesè, gionta di font a la vos.
Per avè on'ideja di alter vos senza font, vardee chichinscì.

El Snorri Sturluson (Hvammur, 1179 - Reykholt, 23 de settember del 1241) l'è staa on storegh, poeta e politegh islandes.
A l'è vun di personagg pussee important de la storia islandesa del Medioev. Per dò voeult a l'è staa lögsögumadur, cioè ona sort de "president" del vegg parlament islandes (l'Althingi).
L'è cognossuu per avè scrivuu l'Edda in prosa, vuna di oeuver pussee important de la mitologia nordega. Inoltra l'ha scrivuu l'Heimskringla (ona storia di re nordegh) e, forsi, anca la Egils saga.
L'ha viaggiaa de l'Islanda a la Norvegia, e l'ha cognossuu el re Hákon Hákonarson. Ma l'è borlaa denter a 'na congiura senza sucess contra el re, e quell lì el l'ha faa mazzà in cà soa, in Islanda.