Sporofitt

Quest articol chì l'è scrivuu in lombard, grafia milanesa.

El sporofìtt, in del ciclo de vita con alternanza de generazion, l’è la forma diplòida pluricellulàr, che la deriva de l’unión de du gameta. Adrée al procèss de la meiosi el sporpofìtt el prodùss di spòr aplòid che menen poeu a la formazión del gametofitt.

Schèma de ciclo de vita con alternanza de generazion

El sporofitt el se sviluppa per mitosi del zigòt, on ammàss de cèllul anca lù diplòid, ottegnùu de l’unión de cèllul aplòid divèrsi, i gameta, prodòtt de orghèn specializza ciamàa gametang.

El sporofìtt in di piant pussée progredìd l’è la part pussée evidenta (a se pò dì che ‘n alber l’è ‘n’enòrme sporofitt) inveci el gametofìtt l’è piscinìn e ‘l dipend del sporofìtt per el mangià. Al contrari, in di temp molto indrée, quand che i primm piant, che gh’aveven nananmò di tessùu vascolàr, ‘me i piant sòta el nòmm de briofitt (hinn part di briofìtt i piant marcantiofitt, le antocrotofitt e i mus'c), el gametofitt l’era la part dominanta in quèj cicli de vita chi con alternanza de generazion.