Stat satellit
Per Stat satellit se intend on Stat che, nominalment sovran e inscì recognossuu de la Comunitaa Internazionala, l'è in realtà sotta l'egemonia de 'n alter Stat pussee grand e potent.
Doperaa per i primm voeult intorna al 1916, a l'è staa doperaa soratutt per i liaa de l'Union sovietega del patt de Varsavia, che dependenven proppi tant de Mosca, e anca de la Mongolia e de la Republega Popolar Tuvana, prima che la fuss ciappada dent de l'Union. Oltra la cortina de ferr Mosca la ciamava stat satellit i Stat che giraven intorna a l'Ass, che a Occident eren ciamaa Stat client.