Statut de Autonomia de la Galizzia del 1936
El Statut de Autonomia de la Galizzia del 1936 l'è staa ona costituzzion insubida per la Galizzia in del 1936 dal Partii Galeguista, ma l'è mai diventaa offizial per la Guerra Civil Spagnoeula e la dittadura del Francisco Franco. In del 1981 la Galizzia la gh'ha avuu on noeuv statut, che l'ha ciappaa i idej de quell del 1936. Vun di pont pussee important del statut l'era l'ufficializzazzion del galizzian insema al spagnoeu.
Origin Modifega
I nazzionalista de la Galizzia, unii sotta 'l partii Galeguista, gh'aveven on poo de idej different in di rappòrt in tra la Spagna e la Galizzia. Gh'eren i autonomista, i federalista e anca i independentista. Durant la Segonda Republega Spagnoeula gh'hinn staa on poo de parpoeust di intellettual per fa su ona Spagna federala, indoa tucc i nazzion gh'aveven autonomia e poder. Con quella ideja in del coo, el Partii Galeguista l'ha scrivuu quel statut chì.