Strada extraurbana principal
|
Quest articol chì l'è scrivud in lombard, con la Noeuva Ortografia Lombarda |
Una strada extraurbana principal a l'è, per el Codes de la Strada italian, un tipo de strada, ciamad despess "superstrada" per i so carateristeghe.
Carateristeghe
ModifegaI strade extraurbane principai gh'hann de respetà 'sti carateristeghe minime:
- Carrensge independent o separade de 'n spartitrafegh invalicabel
- Ogni carrensgia la gh'ha de havégh almen do corsie de marcia e 'na banchina a lacc (a l'è minga necessaria 'na corsia de emergenza)
- La gh'ha de vességh no 'na quajsevoeul intersezzion a ras e l'ingress e la sortida di veicoi la gh'ha de avegnì con di corsie de acelerazzion e decelerazzion
- I acess ai proprietà laterai gh'hann de vesser concentrad e conligad a travers di corsie esterne a la carrensgia
- Gh'hann de vességh di aree de servizzi che permeten ai veicoi de fermàss e che inn conligade a la strada con di corsie de acelerazzion e decelerazzion
- Gh'hann de vességh di cartej che segnalen el principi e la fin de la strada, che indichen anca i veicoi che poden minga circolàgh sora
A diferenza di autostrade, de che compartissen i dimension de la corsia, gh'è no di regole in sui colonne SOS e in su la corsia de emergenza, e i rasg de curvadura a inn diferent. El limit de velocità massim a l'è de 110 km/h inveci che de 130 km/h.
Regole
Modifega
In su la strada extraurbana principal poden andàgh no, compagn di autostrade:
- Pedon, spiciole, ciclomotor, motocicli de cilindrada fina a 149 cm3 e sidecar fina a 249 cm3
- Alter motoveicoi de massa a voeud fina a 400 kg o de massa complessiva fina a 1300 kg
- Veicoi senza pneumategh, per esempi i cingolad
- Machine agricole e operatris, foeura che per quei de l'ent proprietari de la strada
- Veicoi con caregh desordenad, minga sigurad o foeura di limit consentid
- Veicoi che tegnen minga ben e con caregh desquatad, se gh'hann dent roba che la se spand fazilment
- Veicoi el che caregh o i che dimension superen quei permitude del Codes de la Strada
- Veicoi che condizzion poden meter in pericol la circolazzion
- Veicoi el che caregh a l'è minga fissad ben
El socors stradal a l'è permitud domà ai società autorizade e el transit di pedon e animai a l'è permetud domà dent di aree de servizzi.
Classifegazzion
ModifegaQuella de strada extraurbana principal a l'è 'na classifegazzion tecnega che la po corrisponder a pussee classifegazzion de 'n pont de vista ministrativ, poden vesser de facc strade statai, regionai o provinciai e, a bon cunt, una midema strada statal, regional o provincial la po havégh di toch classifegad 'me strada principal e di alter 'me strada segondaria.