Strada provincial 65 Cornoeuva-Perled
|
Quest articol chì l'è scrivud in lombard, con la Noeuva Ortografia Lombarda |
La strada provincial 65 (anca ciamada SP65 o de la Valsasna o Scenic Route 65) a l'è ona strada provincial de la provincia di Lech.
| Strada provincial 65 | |
|---|---|
 | |
| Localizazion | |
| Stat |  |
| Rejon | Lombardia |
| Province | provincia de Lech |
| Dats | |
| Classifegazion | strada provincial |
| Principi | Cornoeuva |
| Fin | Perled |
| Lungeza | 26 km |
| Jestor | Provincia de Lech |
| Pedaj | No |
Se trata de ona arteria importanta de la provincia de Lech e on itinerari turistich frequentad che ‘l conliga la Valsasna con la Val d'Esin. La pussee part del tragit è denter in del Parco de la Grigna Setentrional.
La strada l’ofriss di scurt de paesagg, specialment apress a do aree de sosta che varden de orient in sul Lagh de Com, in località Bolognina e Agueglio (Perled).
Tragit Modifega
La strada la comenza a Cornoeuva, coeur de la Valsasna in su la sponda manzina del torent Pioverna, a ona altezza altimetrica de 483 m.s.l.m. indove che l'incrosa la strada provincial 62. La se snoda vers Perlasch e rampega vers el Pass de Agueglio che ‘l mena a ona altezza de 1142 m.s.l.m.. In quell trat chì se incontren:
- el Monte Albiga (900 m s.l.m.)
- el Monte San Defendente - Agueglio (1.321 m s.l.m.)
El traciad el riva a Esin e de lì a on bivi che permet de rivà al pass Cainallo. A voltà a drizza se và inanz in su la SP65, che de maneman la seguta a redù la soa altèzza e poeu la costegia la Vall d'Esin a meza costa e la regala di vedude taja-fiad. L’interessa el paes de Perled e i so frazzion (Bolognina, Selva, Regol e Oliver).
La strada termina in località Olived e la se imet in la strada provincial 72, in corrispondenza del sboch del torent Esin[1] apress a la Stazzion de Varena-Esin-Perled e a la stazzion di traghet e batei che parten de Varena e intraversen el Lagh de Com.
In preparazzion a l’aveniment Wikimania 2016 la strada l’è stada interessada de intervent de manutenzion straordinaria.[2][3]
Storia Modifega
El trat Parlasco - Esino Lario è dedicad a l'ingegner Pietro Pensa. El rest del traciad, foeura del comun de Esin, l’è denominad "Via per Esino".
Fina di ann Votanta la SP 65 l’ha ospitad anca di gare de rally, eliminade in del cors del temp per via de l'alt numer de s’centrade, l'ultima gara la s’è tegnuda in del 2012.[4][5]
Note Modifega
- ↑ Modell:It-IT «Perledo. La SP 65 diventa un'icona - Lario News». Lario News, 2015-03-29. Vardad in data 2017-05-31.
- ↑ «Raduno mondiale di Wikipedia nel paesino di Esino Lario, 300mila euro dalla Regione». Repubblica.it, 2016-02-19. Vardad in data 2017-05-31.
- ↑ Provincia di Lecco » Ordinanza n.4 – Sp 65 di Esino – CHIUSURA AL TRANSITO. URL consultad in data 2017-05-31.
- ↑ «Esino, spettatore investito al rally Travolto mentre fotografava». Vardad in data 2017-05-31.
- ↑ it-IT Ronde Valsassina: scende in pista per una foto, travolto da auto da rally | Montagna.TV. URL consultad in data 2017-05-31.