Tépal

(Rimandad de Tépali)
Chest artícol a l'è scricc in Lumbàrt Orientàl, ortograféa unificàda Lombard oriental


Endèl fiùr de le Angiospermae, se ghe dà nòm de tépali ai antofìi mìa distinguìbii en sépali e pétali. El fiùr del giglio l'ezebés en càzo evidènt endóche l'è mìa fàcil individuà a 'na prìma öciàda, la prezènsa de sépali, perchè i tré antofìi che i fùrma 'l càles del fiùr e i tré che i fùrma la coròla i g'ha 'l stès aspèt de pétali.

tépali culuràcc (petalòidei) d'en fiùr de Lilium bulbiferum L.
tepali virdizì (sepalòidei) d'en fiùr de Helleborus viridis L.

Endèla realtà, apò a 'n chèsto fiùr l'è pusìbil distìnguer anatomicamènt en vertezèl inferiùr furmàt de tré sépali e giü superiùr furmàt de tré pétali véri e pròpe, però se preferés ciamà töcc e sés i antofìi col nòm de tépali, isé de 'nfatizà la 'nsomeànsa morfològica e funsiunàla.

L'ensèma dei tépali la ciàpa 'l nòm de peregóne, 'na tipologìa de pereànse 'ndèla quàla i sépali e i pétali i se 'nsomèa al pùnto de fà fadìga a distinguìi. La prezènsa de tépali l'è 'n fàto cümü 'ndèle Monocotilédone (es. tülipà, gìgli…)

I tépali i pöl véser indicàcc come petalòidei semài che i è culuràcc e quindi i se 'nsomèa a dei pétali o sepaloidèi semài che i è de culùr che tìra al vért e i vé a 'nsomeàs a dèi sépali.