Taraškievica
|
Quest articol chì l'è scrivud in lombard, con la Noeuva Ortografia Lombarda |
La Taraškievica, anca Ortografia Classega Bielorussia, a l'è una manera de scriver la lengua bielorussa fada su in del 1918 del Branislaŭ Taraškievič, del che la ciapa el nom, e ofizziala in Bielorussia fina a la reforma ortografega bielorussa del 1933. L'è restada comunque doperada informalment in del Paes e anca de la diaspora foeura.
In del 1994 el Vincuk Viačorka l'insubiss de standardizà ancamò 'sta grafia chi, desgià che la reforma del 1933 la svesinava la lengua al russ, e gh'ha dad el nom alternativ de Ortografia Classega. Comunque, sgiamò del 1936 di bieloruss foeura del Paes haveven contestad la reforma russifeganta, compagn del Jan Stankievič. Quei che sostegnen la Taraškievica hann mai publegad, però, di gramateghe o roba compagna, donca resten tucc i problema de l'epoca e nissun ducument moderno per imprendéla.
Con la Perestrojka vari giornalista e lenguista s'inn mitud insema per una standardizazzion noeuva, e in del 2005 un grup el dà foeura una standardizazzion noeuva, che la sarà doperada anca per la Wikipedia in bieloruss Taraškievica. In del 2007 la Internet Assigned Numbers Authority ghe recognoss ofizzialment el sota-codes tarask a quella varianta chì.