Telenovela
|
|
Quel articul chì l'è scrivüü in Lumbard, cun l'urtugrafia insübrica ünificada. |
La Telenovela l'è un gener de telefilm nasüd in dl'America Latina. Per vèss cunsideràd telenovela, un telefilm el g'ha de pasà almenn le 100 puntade, e cüntà d'le facènde e d'le beghe d'una famiglia cunusüda e magari anca putenta. Gh'è semper d'i persunagg principài, che ghe gira inturni d'i alter un po' men famùs.
I paès indùe se fà e se vèd püsè telenovelas i'enn el Brasil, Messich, Argentina, Colombia e Venezuela[1] e de spèss i impòrten i prugràma in tütt el mund.[2]
Adritüra, el prufesùr american Thomas Tufte el parla de fenòmen telenovelas.[3][4] Al dì d'incö, da quant i'enn rivàd i reality show, le telenovelas i'enn calàde un po'.
Telenovela in Italia Modifega
La prima telenovela in Italia l'è rivada in del 1982 dal Brasil in sü Rete 4, e la 'sciameva La schiava Isaura.[5] Da alùra, in tütt i canài de television nasiunài e privàd gh'è semper stài d'le telenovele ch'i hann tegnüd la gent tacàda a le cadreghe o a le utùmane.