Tram ATM 4900
| Tram ATM 4900 | |
|---|---|
| Tram | |
 Tram in Piazza Cordus | |
| Agn de costruzion | 1976-1978 |
| Agn de esercizi | 1976- |
| Quantitaa produxida | 100 |
| Costruidor | Fiat Ferroviaria e Stanga |
| Lungeza | 29 210 mm |
| Largeza | 2 380 mm |
| Alteza | 3 750 mm |
| Capacitaa | 60 settaa, 210 in pee |
| Quota del pian del pestar | 942 mm |
| Scartament | 1 445 m |
| Massa in servizi | 50,2 t (I) - 50t (II) |
| Massa a vœd | 31,8 t (I) - 31,6 t (II) |
| Diameter rœde | 690 mm |
| Velocitaa massema omologada | 60 km/h |
| Alimentazion | Linia aerea |
| Daits ciapads da: Scheda tecnica | |
El Tram ATM 4900 (Jumbotram) a l'è on modell de tram a trè cass doperaa in su la red di tram de Milan dal 1976 in 100 tram.
Storia
ModifegaAl principi di agn 1970 la ATM de Milan l'ha pensaa a fà su di metropolitann linger de superfiss per potenzià la red tranviaria senza fà di costos metropolitan interraa.
Per questa ideja in del 1971 la Breda la presenta on tram a pianal rebassaa, dò cass e rodigg B'2'B'. El progett a l'è però refudaa per el pianal rebassaa, per l'epoca tropp innovativ, e per el gran interpern, che l'avaria faa possibil doperàj domà in sui lign de MLS, de che se trovaven no i finanziament. Per quest, dopo del resultaa bon di tram ATM 4800 la ATM la ponta a di tram faa di Officine Meccaniche, appena entraa in la Fiat e sènza pianal rebassaa, cont l'ideja de doperà di banchinn de 660 mm per permett l'access squasi a ras.
La produzion di vettur, assegnada al GAI, a l'è spartida in tra la Fiat (tram dal 4900 a 4949) e la Stanga (dal 4950-4999), che differissen per el sistema elettrich e di alter dettaj. A hinn consegnaa in tra el 1976 e 'l 1978 e doperaa in su la red tradizionala in attesa del completament di MLS, che però hinn mai faa su.
El progett, di architett Koenig e Segoni, l'éra assee asimmetrich per permett de 'vègh i port a fil de la banchina, cont la coa de bon assimetrica e pussee inclinada, che l'ha però daa di problema in su la red urbana, perchè sortiven de la sagoma limit e l'ha ferii di personn ai fermaa e in curva. Dal 1982 al 1974 a hinn staa modifegaa in manera sinmetrica.
A partì del 2008 di unità a hinn staa dotaa de aria condizionada e in del 2011 la vettura 4950 l'è doperada per di esperiment de revamping che dòpo di longh lavorà menen, in del 2014, a l'approvazion del noeuv revamping che l'è finii in del 2019. A partì del 2023 in di tram che hinn minga staa revampizzaa a l'è mittuda la livrea in giald Milan.
Galleria di foto
Modifega-
Vun di tram 4900 revampaa -
Tram in su la Circonvallazion -
Interni del tram -
Dedree del tram -
Tram ai Colonn de San Lorenz -
Tram in d'on anell de retorn -
Tram in Piazza Cadorna -
Jumbotram arent de on tram ATM 1500 -
Tram arent ai Colonn de San Lorenz -
Tram cont banchina sotta
.jpg)
.jpg)
Bibliografia
Modifega- Francesco Ogliari, Milano in tram. Storia del trasporto pubblico milanese, Milano, Hoepli, 2006. 88-203-3719-3
- Giovanni Cornolò, Giuseppe Severi, Tram e tramvie a Milano 1840-1987, Milano, Azienda Trasporti Municipali, 1987.
- Giovanni Klaus Koenig, Il tram a pianale ribassato: storia e sviluppi, in Ingegneria Ferroviaria, maggio 1985, pp. 223-241.