Tranvia de la Certosa de Pavia

Lumbard ucidental Quest articol chì l'è scrivuu in lombard, grafia milanesa.
Tranvia de la Certosa de Pavia
Tram CertosaPV vettura.JPG
Tipolojia tranvia
Stats
Flag of Italy.svg
Italia
Territore
Provincia di Pavia-Stemma.png
Pavia
Prencepe Stazion de La Certosa
Fin Certosa de Pavia
Vertura 1913
Serrada 1944
Scartament scartament metrich
N. stazion e fermade 2
Lungeza 1 km
Durada del percorid 5 min
Traçad
istruzion 

La tranvia de la Certosa de Pavia a l'è staa 'n servizzi de straport in pee del 1913 al 1944 che 'l conligava la Certosa de Pavia a la stazion omonema.

StoriaModifiché

In del 1896 el Ignazio Maria Giraud el parpoeun a la Società di Strad Ferraa del Mediterrani 'na tranvia elettriga per conligà la Certosa a la stazion cittadina inscì de favorì el turism e l'attività del Giraud, che 'l faseva di liquor in la zona. L'è presentaa on progett per conligà la stazion al monument arent a la Certosa.

Con la statalizzazion di ferrovij italiann el progett el se blocca e se torna a parlà domà in del 1909 con l'interessament del Enrico Maddalena, gener del Graud, che l'otegn la concession in del 1912 per ona linia a cavall che l'è attivada el 1 de settember 1913, dopo de 'n lavorà de trii mes. La corsa la durava cinch megnuu e se faseven quatter o cinch cors al dì.

Con la prima guerra mondial l'è sospeduda perchè el ministeri de la guerra el requisiss i cavaj, che tornen in del 1919 e donca el servizzi el recomincia el 1 de marz 1919.

Se pensa donca de passà a di mezz a motor e dopo che di trattativ fallissen se proeuva a motorizzà 'na carrozza cont el motor de 'n autocarr Fiat 18.

Con la segonda guerra mondial i servizzi rallenten e hinn sospenduu in del 1942 quand che i cavaj hinn confiscaa: l'è otegnuu on cavall indree che 'l permett de fà on orari redutt, fermaa in del 1944. I ered del Maddalena, fornida la guerra, proeuven a dervì de noeuv la linia ma l'è faa no perchè l'armament l'era in d'on stat gramm e 'l straport in su gomma el faseva fiss concorrenza.

I binari, che eren ancamò visibil in di agn '80, hinn staa tolt via in del 2009.

CaratteristeghModifiché

La linia a l'era a trazion animala e a scartament metrich a binari unich cont on raddobbi per i incros: longa pocch pussee de 'n chilometer la partiva a l'ingress de la Certosa, la costeggiava el mur e a travers de la strada provincial la rivava a la stazion di treni.

Material rotabilModifiché

In su la tranvia eren doperaa dò carrozz crompaa de segonda man de la red di tram de Genoa, ch'eren tiraa de 'n cavall ciascona. I carrozz a hinn ancamò conservaa, voeuna al Musee Volandia - in precedenza al Musee Ogliari - e l'oltra a la Certosa, indova che l'è bandonada dopo vess stada de 'n azienda milanesa.

BibliografiaModifiché

  • Francesco Ogliari, Franco Sapi, Stiffelius e berretto rosso. Storia dei trasporti italiani volume 4°, a cura degli autori, Milano, 1964.
  • Mario Moretti, Il tram della Certosa, I Treni Oggi n° 62, luglio-agosto 1986, Editrice Trasporti su Rotaie, Salò (BS), pp. 29-30.