Rock (treno)

Quest articol chì l'è scrivuu in lombard, grafia milanesa.

Rock (ciamaa del produttor "Caravaggio", cioè "Carevasg", classifegaa ETR 421 e ETR 521) a l'è 'n elettrotreno pensaa per el strapòrt local e pendolar de la Trenitalia e di Ferrovienord e faa su de la Hitachi Rail Italy per andà in servizzi in del 2019.

Treno a Velím in proeuva

L'è a dobbi pian e 'l pò vègh quatter o cinch carrozz: cont i sò quatter carrej motor el pò rivà a 160 km/h.

Insemma al Pop a l'è part del progetto "#lamusicastacambiando", ossia "la musega l'è dree a cambià", per smezzà l'età media di rotabij regionai italian. L'ha faa el primm viagg commercial el 31 de magg 2019 e 'l primm gir cont i autorità el 14 de giugn.

Storia

In del 2016 Trenitalia la ordena 39 treni Rock a Hitachi Rail Italia per 333 milion de Euro, cont on'opzion finna a 300 treni e 'l primm set l'è staa completaa in del 2018 a Pistoia. Trenitalia l'ha poeu crompaa in total 118 treni, de quatter, cinch e ses cass. In del 2019 hinn andaa in servizzi in l'area de Bologna.

In del settember 2018 i Ferrovij Nord Milan nonzien de cromà finna a 120 Carevasg in on period de vott agn, cont on primm orden de 30 treni a quatter cass per 238 milion. I consegn a hinn scominciaa in del 2020.

Design

L'è 'n treno a du pian a volta capacità per el traffigh regional, consideraa de qualità equivalenta ai coev treni de l'alta velocità e comparaa ai rotabil che 'l sostituiss l'è pussee comod e l'è pussee accessibel per i gent cont on handicap, oltra a consumà el 30% in men de energia e vèss reciclabel al 95%.

Di àlter mesur ambientai a hinn la frenadura rigenerativa, 'n bass rumor del freno, on sistema de aria condizionada che 'l se adatta al numer di personn a bord, inluminazion LED e possibilità de caregà bici elettrigh.

Ogni treno l'è bon de rivà a 160 km/h cont i 3 kV CC de la red italiana e i element de trazion hinn montaa per la pupart in su l'imperial, inscì de permètt de 'vegh pussee passegee, e l'è bon de accelerà fiss velos, inscì de volzà la pontovalità.

Per la sigurezza el gh'ha su di telecamber con rilevament di comportament fallaa.

Galleria di foto

• 
  Version de la Trenord
• 
  Dettaj del mus
• 
  Interno de la version Trenord
• 
  Vista denanz
• 
  Treno in corsa a Velím
• 
  Treno in proeuva a Velím

Riferiment

• Trenitalia: si chiamerà Rock il nuovo treno regionale a doppio piano Arqiviad qé: [1]
• Ferrovie: saranno classificati ETR 421 ed ETR 521 i Rock di Trenitalia
• Hitachi presenta Caravaggio, il treno regionale del futuro Arqiviad qé: [2]
• Ferrovie: viaggio inaugurale per Pop e Rock verso Bologna Arqiviad qé: [3]

Vos corelaa

• Pop (treno)
• Blues (treno)
• Swing (treno)

Alter progett

Altri progetti

• Wikimedia Commons

• Wikimedia Commons el gh'ha dent imagin o alter archivi su Rock