Unità de caregh (impiant sanitari)

Quest articol chì l'è scrivuu in lombard, grafia milanesa.

L’unità de caregh (UC) a l’è 'n valor che, de convenzión, el ghe ven assegnàa, a ògni pont de fornidura de l’acqua d' on impiant sanitari, e 'l servìss de calcolà i portàd massim contemporànei d’ona red de distribuzión.

I pont de fornidura i pòden vèss de diversa natura (lavabo, bidè, vasca de bagn ecc.) e a ogni tipo de pont de fornidura (o ben a segonda de la quantità d'acqua ciamada d'ògni apparècc), el gh’è assegnàa el sò numer de unità de caregh.

UNI 806-3 e UNI 9182

Quant ai normi tècnich italián, el nùmer de unità de caregh de ciaschedùn di pont de fornidùra l’è dàa de la norma UNI 803-3, o inscambi, de la nòrma UNI 9182.

UNI 806-3

Confórma a la nòrma UNI 806-3 el nùmer de unità de caregh de ciaschedù din pont de fornidura l’è definiì inscì:

Lavèll, lavabo, bidè, cassètta WC → 1 UC

Lavèll de la cusina, lavatris, lavapiattaria, lavabo de la cùsina, dòccia → 2UC

Pissatòi → 3UC

Vasca de bagn → 4UC

Rubinètt del giardin o del garasg → 5UC

UNI 9182

Confórma a la nòrma UNI 9182 el nùmer de unità de caregh de ciaschedùn di pont de fornidùra l’è definiì inscì (notìi che questa norma chì la definiss minga domà i unità de caregh complessiv ma anca in manera separada quèi di tubi che ménen l’acqua calda e quèlla frèggia).

Lavèll, lavabo, bidè, cassètta WC → 3 UC (domà acqua frèggia)

WC a pass ràpid → 6 UC (domà acqua frèggia)

Lavèll de la cusina → 2 UC (1,50 acqua calda/1,50 acqua frèggia)

Lavatris, lavapiattaria, lavabo de la cùsina, dòccia → 2UC (domà acqua frèggia)

Lavatòi → 2UC (1,50 acqua calda/1,50 acqua frèggia)

Vasca de bagn → 2UC (1,50 acqua calda/1,50 acqua frèggia)

Calcol de la portada de progètt

La portada de progètt la ven dedòtta a partì di unità de caregh per mezz de fórmol o di grafich. Chi de sota a hinn descrivùd i fórmol ('doe Q_T el numer complessiv di unità de caregh de la tubazión tolta in esàmm e Q_D la portada de progètt in l/s de la tubazión, UC_max a l'è el numer de unità de caregh del pont de fornidura che 'l ghe n'hà pussée).

$Q_{D}=e^{-0,531\cdot (0.592\cdot (\ln _{a}Q_{T}-5,704))}$se Q_T≥300

$Q_{D}=e^{-1,609\cdot (0.427\cdot (\ln _{a}Q_{T}-0,693))}$ se Q_T<300 se UC_max=2

$Q_{D}=e^{-1,204\cdot (0.377\cdot (\ln _{a}Q_{T}-1,099))}$ se Q_T<300 se 2<UC_max≤3

$Q_{D}=e^{-0,916\cdot (0.335\cdot (\ln _{a}Q_{T}-1,306))}$ se Q_T<300 se 3<UC_max≤4

$Q_{D}=e^{-0,693\cdot (0.299\cdot (\ln _{a}Q_{T}-1,609))}$ se Q_T<300 se 4<UC_max≤5

$Q_{D}=e^{-0,223\cdot (0.208\cdot (\ln _{a}Q_{T}-2,079))}$ se Q_T≤300 se 5<UC_max≤8

$Q_{D}=e^{0,405\cdot (0,042\cdot (\ln _{a}Q_{T}-2,708))}$ se Q_T≤300 se 8<UC_max≤15

Determinazion del diameter di tubazion

In la partega, ancaben che per un càlcol precis a ghe vorariss el teorema del Bernoulli, el diameter di tubazzion el ven trà foeura a segonda del tipo de tubazión (azzal zincad, ramm, azzal inossidabil, polietilene graticolàa (PE-X), polibutilene (PB), polipropilene (PP), clorur de polivil surcloràa (PVC-C), PEX, AL, PE-HD)) cont el vardà di tabèll che tegnen in cunt minga domà i unità de caregh, ma anca la longhèzza de la tubazzion e ‘l valor unità de caregh de l'aparècc che 'l ghe n'hà pussée a per la tubazzion tòlta in esàmm.