| ca-1
|
Aquesta usuària té un coneixement bàsic de català.
|
|
Tempo a disposizione sempre troppo poco, ma perché quel poco non utilizzarlo in wiki-navigazione e collaborazione? --Gloria sah (discussioni) 13:04, 11 mar 2013 (UTC)
Quand a s gh'à tròp 'd impègn, al dvèinta piò che impusìbil 'd fèr anca sōl 'n artìcul.., perchè a gh'vōl dla chelma, trī minût... e a bśògna tór-i vìa dal tèimp ch'al 'm servìs a.. stirèr! Pòvri brèghi e camìśi ch'i me spèten dedlà spigasèdi!
El mé pasiòun piò gròsi (quìli cun dla gròsta: a dìr ch'i gh'la chèven 'd stèr in pē anch'in di tèimp ed megra): al disègn, al cumérsi, el tradusiòun da 'l francéś e da 'l ingléś vèrs 'l emigliàn.
Chegli ètri pasiòun gròsi, ma debli (ch'i gh'àn biśògn dla cuertèina quand al tèimp al dvèinta dimòndi fred): sernìr i artìcul bòun da qui farlôc, 'd argumèint estòric.
Caràter speciē ch'i 'm servìsen dal volti quand a scrîv: À Â Ä Ā â ä ā Ć Ç ć Đ đ É È Ê Ë Ē ê ë ē Ġ ġ Í Ì Î Ï Ī í î ï ī Ĵ ĵ Ṁ ṁ Ṅ ṅ Ó Ò Ô Ö Ō ó ô ö ō Ś ś Ú Ù Û Ü Ū ú û ü ū Ṿ ṿ Ź Ž Ż ź ž ż Æ Ǣ æ ǣ Œ œ ə ß Ø ø
In su la prìma a 't pòs parìr nurmèla, mo un quel ch' al t' fà armàgner un minùt, e pò' scapèr a rìder, 'l è che in dû 't em mèt, dòp gnànca dū secònd, a 'm mèt a descòrer cun la cadèinsa 'd cal post lè: mè a 'l ciam "camaleuntìś'm darwininiàṅ 'd adatamèint còuntra l' eventuèla estinsiòun 'd mè medéśma". ;-D
Na sirudèla che me pèder al 'm ìva cuntê dū o trī volti, e ch'l'esprìm, in forma 'd puveśìa, 'l amór vers na bèla dòna:
Margherìta
Margherìta, Margherìta,
Tè 't î tùta la mé vìta,
Tè 't î tùt al mé pinsér,
Tè per mè 't î al mond intér.
A 'l sò bèin ch'a 't pùsa 'l fiê,
mo a gh'sùn bèle abituê.
A 'l riguèrd pò ai tó cavî,
a nn'egh' bêd s'în póc pulî.
Tè 't î strùpia, mo ch's impòrta?
A n'gh'è dòna ch'la n'sìa stòrta!
Che 't sē guèrsa 'l è pur vera,
mo te gh'ê pur bòuna céra.
Margherìta, Margherìta,
Tè 't î tùta la mé vìta,
Tè 't î tùt al mé pinsér,
Tè per mè 't î al mond intér.
Quand a vój vèd'r el statìstic in sìm' a la lmo.wikipedia
meta:User:Gloria sah