Wikipedia:Bolletin di regole/Guerre de modifeghe

Quest articol chì l'è scrivud in lombard, con la Noeuva Ortografia Lombarda

Di voeulte, i utent risien. L'è normal, ma l'è ben che 'l deventa no un problema per la Wikipedia.

Guerra de modifeghe

Per guerra de modifeghe (edit war in ingles) se intend una serie de modifeghe che servissen non a fà pussee bona una vos, ma domà a tirà inanz un pont de vista o a tirà indree i modifeghe de 'n alter utent.

Per schivai, a l'è ben parlàss: prima in la ciciarada de l'utent, poeu in quella de la pagina e, infin, in del Grot.

Se una pagina a l'è in del mez de 'na guerra de modifeghe i ministrador poden protegela. Se i utent che tiren inanz la guerra de modifeghe se ingiurien o comunque fann de dann a la Wikipedia, poden vesser blocad per un quaj temp.

Guerra di ministrador

Se parla de guerra di ministrador (Wheel War in ingles) se inn di ministrador a risià. L'è ben tegnì a ment che i ministrador inn no i capi de la Wikipedia, ma comunque gh'hann assee de poder de podé fà de dagn e la comunità i varda 'me di esempi.

A l'è ben, donca, doperà i poder de ministrador se e domà se a gh'è un gran pericol per l'enciclopedia. Ciamà un terz ministrador per intervegnì e medià a l'è mej, inscì 'me l'è ben che la comunità la po intervegnì in su 'sti event.

Se inveci un ministrador a l'è dent una classega guerra de modifeghe, el gh'ha de doperà el bon sens e doperà no mal i sò poder.