Val Ferret (Svizzera)
La Val Ferret a l'è ona vallada alpina de la Svizzera.
La se troeuva in del Canton Valles, e l'è tutta comprenduda in del comun de Orsières. A l'è ona sotta-vall de la Val d'Entremont. A sud-est, per mezz del Col Ferret, la confina con la Val Ferret italiana. L'è traversada de la Drance de Ferret.
A l'è on'area proteggiuda per via di besti rar che ghe viven.
In tra i montagn pussee important che la vall, che partegnen on poo al Grupp del Mont Bianch e on poo a quell del San Bernard, a troeuvom:
- Tête de Ferret, 2.714 meter.
- Fenêtre de Ferret, 2.968 meter.
- Mont Dolent, 3.819 meter.
- Aiguille d'Argentière, 3.902 meter.
- Tour Noir, 3.836 meter.
- Aiguille du Chardonnet, 3.824 meter.
- Le Portalet, 3.344 meter.
- Le Châtelet, 2.537 meter.
- Grand Golliat, 3.237 meter.
