Val di Giust

Quest articol chì l'è scrivuu in lombard, grafia milanesa.

La Val di Giust (Valle Spluga o Valle San Giacomo in Italian) l'è voeuna di dò diramazion a nord de la Val Ciavenna.
La scomincia arent a Ciavenna e la va innanz per trenta chilometer, fina a rivà al Pass del Spluga.
L'è traversada del fiumm Lir. Del pont de vista orografegh, la spartiss i Alp Occidentai de quei Orientai e, pussee precisament, i Alp Lepontinn di Alp Retegh.

El Pizz Tambò veduu de Madesen

I comun de la vall a hinn San Iacom, Cadolscin e Madesen. Alter paes de la vall hinn Olmo, San Bernard, Dalò, Sommarovina, Liron, Zombianda, Galivagg, Valesegna, Vò, Preston, Portarescia, la Preda, Cà di Cazzii, i Cort, Fracisc, Starleggia, Splughetta, Pianasc, Isola, Motta, Montespluga, Stuetta e Teggiaa.

I mont

I montagn pussee volt a hinn:

• Pizz Tambò - 3.279 meter
• Pizz d'Emet - 3.209 meter
• Pizz Stella - 3.163 meter
• Pizz Ferree - 3.158 meter
• Pizz Suretta - 3.027 meter
• Pizz Quader - 3.015 meter

Vos correlaa

• Val Ciavenna
• Pass del Spluga
• Dialett de la Val di Giust
• Lir