Val Cannobina

Quest articol chì l'è scrivuu in lombard, grafia milanesa.

Quella vos chi la gh'ha mìnga dì font o a hinn tròpp pocch. Per piesè, gionta di font a la vos.
Per avè on'ideja di alter vos senza font, vardee chichinscì.

La Val Cannobina (Valle Cannobina in Italian; Cannobinatal o Cannobinertal in Todesch) l'è ona vall piemontesa, che la se troeuva in de la Provincia de Verbania.
La toeu sù el sò nomm del paes de Cannoeubi, el pussee gross de la vall.
L'è traversada del riaa Cannobin, che 'l nass in sù la Laurasca e 'l finiss dent al Lagh Maggior, dopo 25 km. A nord la confina con la Val Vigezz.
Tra i mont pussee important a gh'è 'l Gridon, al confin con la Svizzera.

On temp la vall l'eva cognossuda anca per la soa lavorazion del canov. Compagn del rest de la Provincia de Verbania, anca in de la Val Cannobina se parla on dialett lombard.

I comun de la vall

La val la gh'ha dent i comun de Cannoeubi, Val Cannobina e Gurr.

Se partom del lagh Maggior, el primm paes che troeuvom l'è Cannoeubi. Dopo de quell, se riva al comun de Val Cannobina (on comun dal 2019 da l'union de Cavaj-Spoccia, Cursel-Orass e Falmenta) che 'l gh'ha on bell poo de frazion: Cavaj San Donnin, Gurron, Nivetta, Lunecch, Spoccia, Falmenta e Crealla. Dopo de Falmenta se riva a Gurr, e infina a Cursel e Urass. A la Val Cannobina el ghe toeu part anca el paes de Finer, frazion del comun vigezzin de Malesch.