Valvola de scarich tèrmich

Quest articol chì l'è scrivuu in lombard, grafia milanesa.

La valvola de scarich tèrmich a l’è ona valvola che la servìss de protég on generadór de calór o 'n scambiadór de calór o comunque on circùit 'doe el circola on flùis de ‘na temperadura tròppa alta cont el descaregà el fluid che ‘l mena in gir el calór fin tant che la temperadura la minga tornada de noeuv indrée ai condizión normàj (de sòlit sòta i 100 °C)

Part de la valvola

• Còrp: part defoeura de la valvola, de sòlit d’otton per quèj flangiàa e de bronz per quèj filettàa. El gh’hà denter el stoppadór.
• Stoppadór: part de la vàlvola movìbil rispètt al còrp, el servìss de schiscià su la guarnizión per dervì e sarà la valvola.
• Scarich
• Sensór: a l’è on elemént, de sòlit de ramm che ‘l servìss de rilevà la temperadura.
• Suttil: a l’è on tubicìn che 'l conliga el sensór al stoppador. El gh’hà dent on lìquid che ‘l se slarga quand che la temperadura, rilevada del sensór la va su.
• Piombadura: a l’è on sigìll che ‘l pò vèss miss come garanzia che la pesadura del sistema la sia minga ninzada.
• Interruttor: l’interrómp la fornidura del combustìbil o comunque del fluss del flùid che l’alimenta el scambiadór de calór (el primm caso l’è quèll che ‘l calٙór el ven ingeneràa in sul sit, el secónd caso l’è quèll che ‘l calór el ven fornìi per mèzz d’ona circùit primari indoe el corr via on flùid cald compàgn che per el teleriscaldamént) dòpo de la dervida de la vàlvola.
• Conligament cont el brusadór: a l’è on cav elèttrcih che ‘l conliga l’interruttór de la valvola de scàrich tèrmich a la valvola del gas che l’alimenta el brusadór o comùnque la valvola piazzada in sul circùit primari che l’alimentà el scambiadór del calór.
• Riàrm: a l’è on sistèma che ‘l permètt de fa rivà de noeuv el combustìbil o ‘l flùid primari dòpo che la valvola de scàrich la ven sarda su de noeuv.

Fonzionament

Quand che la temperadura del flùid la va su fina a ‘na cèrta temperadura fissada ciamada la temperadura de pesadura el flùid che gh’è denter in del sensór el se slarga e 'l fà alzà on fust che la permètt a l’acqua de passà travèrs el scàrich. Ancasì quand che ‘l fust el se alza el se dèrva anca on contàtt elèttrich in la part de sora (interruttór).

Caratteristich tècnich

• Temperadura de pesadùra: a l’è la temperadura che la vavola la comenza a dervìss.
• Temperadura de scàrich: a l’è la temperadura a la quàl la valvola la descarega la portada intrega.
• Temperadura de intervént de emergénza: a l’è la temperadura a la quàl el càpita el scarich in del caso che ‘l sensór el vaga nò.
• Temperadura de risaradura: a l’è la temperadura che la permètt a la valvola de saràss su de noeuv in del cors de la fase de la sbassada de la temperadura.
• Portada de scàrich: a l’è la quantità de acqua descaregada in del cors del temp.
• Portada de scarich con reimpienida parziàl: a l’è la qualtità de acqua che la ven descaregada in del cors del temp in del caso che la quantità de flùid descaregàa la vegna in part missa denter de noeuv de la red idrica.
• Portada de scarich con reimpienida totàl: a l’è la quantità d'acqua descaregada in del cors de l’unità de temp quand che la reimpienida da la red idrica l’è totàl (la reimpienida l’è totàl quand che l’acqua missa denter de la red idrica l’è eguàl o pussée de quèlla che la ven descaregada adrée a l’unitàa de temp.

Vos correlad

• Valvola de intercettazion del combustibil