Variant del galizzian

Quest articol chì l'è scrivuu in lombard, grafia milanesa.

Quell articol chì l'è domà on sbòzz. Se violter sii bon de mettegh dent on quejcòss de puu, preocupeves minga e provégh.

Quella vos chi la gh'ha mìnga dì font o a hinn tròpp pocch. Per piesè, gionta di font a la vos.
Per avè on'ideja di alter vos senza font, vardee chichinscì.

I variant del galizzian, se vardom la distribuzzion geografica e la manera de combinass di isogloss, a poeuden vess spartii in trii bloch (bloques) principai: ocidental, central e oriental. Dent a 'sti variant a gh'è di olter arei dialettai, zonn lenguistegh de estension e unità descompagn, che poeuden vess delimitaa cont isogloss de duu o trii fenomen caratteristegh. Quella divison chì la se basa soratutt in su la fonetega e (anca pussee) in su la morfologia.

I bloch

El bloch ocidental e quell oriental a gh'hann on bell poo de lavorà comun in tutt i sò dialett, tant l'è vera che se podaria parlà de 'na macro-area atlantega (o ocidental) e de 'na macro-area oriental. Inscambi el bloch central, che in general l'è quell che 'l rapresenta pussee el galizzian comun, l'ocupa ona granda zona geografica e 'l gh'ha poch fenomen esclusiv. Pussee che de 'na transizzion gradual de est a ovest e de conservadorism a inovazzion (come l'è de norma), a poeudom rapresentà la realtà dei variant del galizzian in dò direzzion: de 'na banda, i fenomen inovador i balchen intant che se va a est, e de l'oltra i fenomen conservador a se smorzen pussee che se va a ovest. Dent in del bloch central se poeuden stabilì de arei e sotta-arei: però, in general, gh'hann minga l'istessa unità di olter duu bloch.

Varda anca

Lengua galizziana