Varkaus

Quest articol chì l'è scrivuu in lombard, grafia milanesa.

Varkaus l'è ona città de la Finlandia center-oriental cont ona popolazion de pussee de 23.000 abitant.

El stemma de la città

Geografia

Varkaus la se troeuva in de la Provincia de la Finlandia oriental e in de la Region del Savo settentrional. L'è situada sora ona serie de isol sora el Lagh Saimaa.
La gh'ha trentases quarter, trai quai el vegg comun de Kangaslampi, che gh'è staa taccaa in del 2005.

Storia

L'è ciamada inscì perchè la se troeuva sora ona serie de isolott e strett de terra in sul lagh (varkaus in finlandes antigh el voeur dì "strett").
Per la soa posizion, l'è venguda in del Vottcent on centro industrial indove che ghe se faseva sù la carta.
Duranta la Guerra Civil finlandesa l'era stada occupada di comunista ma, per la soa posizion isolada, l'è stada conquistada ben prest di contrarevoluzionari, che poeu hann faa ona repression bella dura.
Fina al 1929 l'era ciamada Warkaus.

Gemellagg

• Lu'an, Cina.
• Nakskov, Danimarca.
• Rjukan, Norvegia.
• Sandviken, Svezia.
• Petroskoi, Russia.
• Germania:
  • Rüsselsheim.
  • Pirna.
• Zalaegerszeg, Ungheria.