Cassina Verghera
(Rimandad de Verghera)
|
«A Samaraa, a fànn ben gh'è de fà. A Verghéa, a fànn ben non gh'è manera»
|
La Cassina Verghera (anca Verghéa) a l'è 'n quarter de Samaraa, conurbaa a Galaraa e comun autonom finna al 1869. El faseva part de la piev de Galaraa e l'è staa anca part de la effimera Provincia de Vares. In del Regn Italegh del Napoleon l'è scassada e unida a Samaraa, ma la torna autonoma con la Restaverazion. Deventada italiana, l'è taccada ancamò a Samaraa.
La Verghera l'è cognossuda per el sò Caffee Tejater, che l'ha lanziaa on poo de attor famos compagn de l'Aldo, Giovanni e Giacomo. L'era servida de l'effimera filovia Galaraa-Samaraa del 1904 al 1906, e poeu del 1931 al 1951 de 'na diramazion de la tranvia Milan-Galaraa, gestida de la STIE.