Villa romana de Negrar

Quest articol chì l'è scrivud in lombard, con la Noeuva Ortografia Lombarda

La villa romana de Negrar, ciamada anca villa di Mosaich, a l'è un sit archeologegh de Negrar de Valpolsella cont una villa romana che l'è stada scavada e incoeu se po visitàlla.

I mosaich de la Villa

Storia

A l'è stada descoverta per la prima voeulta del 1887 in sul fond Cortellese, in la contrada Villa: a inn trovad trii mosaich che inn vendud al comun de Verona, e l'è poeu mitud a vin.

Del 1922 la Sovrintendenza la taca a scavà e la descovriss una gran sala retangolar, che se pensa che l'era la pars urbana de la villa. Comunque, fornid el scav, a l'è quatad 'me prima.

Del 1974 se torna a scavà e se descovriss una sala noeuva, cont un paviment quatad de una decorazzion a mosaich. El lavorà el va inanz fina a l'ann adree, ma se scerniss de tegnì i mosaich sota terra.

Del 2018, grazzia anca al sostegn e a l'interessament de aziende del vin, se torna a fà ricerca, e l'è trovad el sit l'ann adree: se taca a scavà per el 2020, cont el COVID-19 che 'l rallenta i robe, e se finiss per el 2022.

De l'avost 2023 l'è verta al publegh con regolarità.

Architetura de la villa

La villa la saria del tardo Imperi roman, in tra el terz e 'l quart secol. L'era granda pu o men 3'500 m² e l'era spartida in d'una part indova che se viveva, vuna a l'avert cont un giardin e 'n oltra dedicada ai terme e al netàss.

Condizzion e archeologia

I decorazzion de l'architetura inn perdude, istess per squasi tute i piture: resten ben conservad i paviment a mosaich, soratut quei de la gran sala.

In del sit a inn stad trovad anca varie monede, un brazzalet, un anell, una guggia in bronz, un campanell e i pè de una statua.

Alter proget

Altri progetti

• Wikimedia Commons

• Wikimedia Commons el gh'ha dent imagin o alter archivi su Villa romana de Negrar