Vincere l'odio
Vincere l'odio (in lombard vingg l'oeudi) l'è ona canzon del 2016 del grupp milanes Elio e le Storie Tese.
L'è stada presentada el 10 de febrar de quell ann al Festival de Sanremm quell di cinquantases.
A l'è stada poeu missa denter al disch Figgatta de Blanc, sortii el 12 de febrar.
La canzon Modifega
In del stil tipegh del grupp, la canzon la gh'ha ona particolarità interessanta: l'è fada su de sett ritornei tucc descompagn in tra de lor, con sett stil musicai diferent, e con sett argoment diferent; compagn se 'l fudess on mes'ciott de sett canzon taccaa vuna insemma a l'oltra. In tra i stil che se poeuden oreggià, a gh'è la canzon italiana de la tradizzion sanremesa, quella napoletana, quella de gesa, e tanti olter anmò.
El titol l'è on riferiment a on'oltra canzon sanremesa, cioè Perdere l'amore del Massimo Ranieri (1989).