Virgola mobil

Quest articol chì l'è scrivuu in lombard, grafia milanesa.

La virgola mobil, in ingles floating point, a l'è 'na tecnega de rappresentà i numer tipicament doperaa in informatega, perchè 'l permett de avègh precision scernuda arbitrariament in d'on spazzi limitaa de memoria, me quell de on microprocessor. A l'è tipicament doperada o in bas 10, cioè la notazion scientifega o in bas 2, in di applicazion informategh.

Costruzion

Ogni numer a virgola mobil a l'è faa de on significand e de on esponent: El significand a l'è el numer in la soa forma bas, inveci l'esponent el definiss indova che 'l anarà la virgola.

Per esempi 1,5·10⁴ el ved 'me significand 1,5 e 'me esponent 4: El resultaa l'è 15000.

Utilità

Oltra a la giamò citada possibilità de contegnì di numer in d'on contenitor pussee piscininn de la soa grandezza normala i numer a virgola mobil a hinn doperaa anca per confrontà di mesur de orden enormement different in manera de mantegnì coerenza e semplicità de calcol. Anca in di misur di robb estremament grand o piscininn a l'è pussee convenient doperà 'sta notazion.

Vos corelaa

Riferiment

Floating Point Numbers