Virus de Epstein–Barr
|
Quest articol chì l'è scrivud in lombard, con la Noeuva Ortografia Lombarda |
El virus de Epstein-Barr a l'è un vun di noeuv herpesvirus de l'om cognossud, oltra a vesser vun di virus pussee spantegad, e l'è un virus a DNA a dobia cadena. El virus el fa vegnì la mononucleosi infetiva, ma l'è sociad anca a condizzion pussee grame ligade al sistema linfategh, compagn del linfoma de Burkitt, del linfoma de Hodgkin e de la sindrome emofagocitega, cancher tant 'me quell del nas e del stomegh, se vun el gh'ha l'HIV gh'è di alter condizzion ligade compagne de la leucoplachia pelosa e linfoma del sistema nervos central, e in general a condizzion auto-imune. In di fiolit, l'è sociad a la sindrome de Alis in del Pais di Meravilie e a la atassia acuta del cervellin. Se pensa che ogni ann 200'000 cas de cancher sien ligad a quell virus chi, e di studi del 2022 insubissen la possibilità che 'l sia vuna di cause pussee importante in del desvilup de la sclerosi multipla.
L'infezzion la se spantega a travers de la saliva o di liquid sessuai, e in la pupart di sgent la mena a l'otegnì l'imunità adativa: in di fiolit, de solit l'è minga possibel spartìll de una quajsevoeul infezzion di sgiovin, menter in di sgiovinot in tra el 35% e 'l 50% di cas el mena a la mononucleosi. El virus l'infeta i cellule epiteliai e i linfocita B, quand che 'l forniss la soa fas litega, el se met dent in latenza in di linfocita B de memoria per tuta la soa vita.
Riferiment
ModifegaAlter proget
Modifega
Wikimedia Commons el gh'ha dent imagin o alter archivi su Virus de Epstein–Barr
Wikispecies el gh'ha dent informazzion su Virus de Epstein–Barr
