Volton de San Peder
|
Quest articol chì l'è scrivud in lombard, con la Noeuva Ortografia Lombarda |
El Volton de San Peder o Porta de San Peder, fina a la fin del XIII secol, l'era voeuna di tré porte antiche[1] che, in la prima cinta di mura de la cità, la sarrava su l’entrada de Piazza San Peder (incoeu Piazza Sordello), center de la civitas vetus de Mantova.
Storia
ModifegaPinamont di Bonacolsi, prim signor de Mantova, dopo on quai ann de la salida al podè in del 1272, l’ha volud tirà su, dent in la cità veggia, la soa cort principesca fortificada.
Al principi a inn stad quistad du edifizzi arent a Porta San Peder, che confinaven cont el fossad dei boeuv (incoeu via Accademia) e in seguit di edifizzi medioevai vesin a la Torr de la Gabia, futur simbol del podè di Bonacolsi e de quei de la famija Acerbi.
I vari edifizzi a inn stad conligad vun con l'alter per mez d'on pont che in del Cinch-cent l'è stad quatad de l'architet ducal Sgiovan Batista Bertani e in seguit l'è stad ciamd "Volton de San Peder".
L'espansion di Bonacolsi l'è andada inanz a la fin del XIII secolo con la costruzzion del palazz pussee incantevol, el palazz Bonacolsi, destinad a vesser dimora de la famija.
Note
Modifega- ↑ I alter do eren: la Porta San Sgiorsg e la Porta Sant'Agnesa
Bibliografia
Modifega- Vasco Restori, Mantova e dintorni, Roma, 1937.
Alter proget
Modifega
Wikimedia Commons el gh'ha dent imagin o alter archivi su Volton de San Peder
