Wikipedia:Bolletin di regole/Scriver con l'intelligenza artificial
|
Quest articol chì l'è scrivud in lombard, con la Noeuva Ortografia Lombarda |
L'informatega l'ha dad foeura di intelligenze artificiai interessart, che permeten de scriver vos in lombard o de voltà articoi in alter lengov.
La Wikipedia in lombard la permet de doperà 'sti sistema chì, con che:
- A sien doperad in manera minga automatega: l'utent el gh'ha semper de dàgh on'oggiada a la modifega prima che la vaga in su la Wikipedia
- La vos la gh'ha de vesser coerenta in ortografia e dialet
- La vos la gh'ha de havégh una bona gramatega
- Se la vos a l'è una traduzzion, gh'è de meter el template {{traduzzion}} in la pagina de discussion
A l'è propi consiliad marcà in del camp oget che la modifega la vegn de 'n AI. Dessorapù, se 'na vos l'è fazzil che l'è fada de 'n AI e la mena minga valor a l'enciclopedia (per esempi: un sbozzet senza font) i ministrador podarann scancellàlla a la svelta.
Gh'è de stàgh atent a 'n para de robe:
- La pupart di intelligenze artificiai dann minga di font (ecezzion: Bing AI), te gh'heet de trovài ti, inscì che sien coerent con la vos
- Ocio! Un'AI la po dà foeura di test che inn in violazzion del dirit de autor. A l'è important controllà, inscì che ghe sien no di robe quatade del dirit de autor. El po vesser una bona ideja reformulà i test che la dà foeura, se gh'è di dubi.