Apri il menu principale

Wikipedia:Fà minga el pirla

Attenzion: anca se gh'emm una pagina inscì, nissun l'è autorizzaa a dà del pirla a nissun.


Per comincià
«Discutt minga cont on pirla. La gent la podaria anca incòrgess nò de la differenza.» - Arthur Bloch

Fà minga el pirla. La podaria e dovaria vess l'unica regola de comportament; l'è compagna de dò alter regol important, Dà minga a trà a i regol e Bon sens, e l'è la mamma de quasi tutt i alter regol de Wikipedia. Pussee in general, quella de minga fà el pirla l'è ona regola fondamentala anca in di alter sitt, minga domà chì.

Quand l'è che vun el fà el pirla?Modifica

 
Wikipedia l'è minga el sitt per fà el pajasc...

Quella domanda chì la gh'ha minga ona rispòsta.

Pensa, però, che se tanti gent de bona volontà te disen che te set dree a fà el pirla, el pò vess che gh'hann reson lor. Tegn cunt che vegh reson su on argoment el voeur minga dì in automatigh che te set minga dree a fà el pirla; in pagament, se te gh'hee reson e te fet el pirla, gh'è anca poca gent che la gh'ha voeuja de scoltàtt.

Ghe voeur dì che anca se te penset che un quaj utent l'è on pirla, o l'è dree a fàll, te set minga autorizzaa a blocàll o a domandà de blocàll; l'è minga assee come motivazion. Ghe voeur el consens, donca on blòcch l'è possibil domà se la comunità la pensa de bon che un quaj utent el fa el pirla.

Se te disen che te set dree a fà el pirlaModifica

Per prima ròbba, proeuva a pensà che pòden anca vegh reson.

Pensa al tò comportament: cosa te set chì a fà? A costruì l'enciclopedia? Oppur a fà on comizzi, a spantegà ona toa idea, a ciciarà cont i alter utent? Regòrdess che Wikipedia l'è on progett collaborativ, che la gent la pò anca pensà different de tì, che la toa ironia la pò vess ironia domà per tì, e via inscì. Fà minga el pajasc, pòrta i motivazion de quell che te diset, stà quiet e pensa nò de vegh semper reson, e i alter utent desmetarann de consideràtt on pirla, e te darann pussee a trà. Insomma, tegn a ment che «cent coo, cent crap», e tì te set domà vun di quij cent coo.

Pensa che se te sbagliet, l'è minga disonorevol domandà scusa, e anzi el pòrta domà di vantagg; domandà scusa el voeur minga dì tirà giò i calzon, voeur dì vess intelligent e capì che te ghe set minga domà tì al mond.

Ah, on'altra ròbba ammò: scriv a on utent che l'è on pirla el voeur dì pròppi fà el pirla.

Varda ancaModifica