Wikipedia:Gestion del bordegament

Quest articol chì l'è scrivud in lombard, con la Noeuva Ortografia Lombarda

La Wikipe-tan ne ajuta a tegnì neta la Wikipedia

Per bordegament se intend el modifegà el contegnud de la Wikipedia aposta per fà dagn o comprometer l'enciclopedia. Di esempi de bordegament inn:

• El doperà de la Wikipedia per fàss reclam con ligam a sit de foeura e roba compagna
• Sgiontà ai pagine roba senza sens, per ischerz o per rider, o ingiurie, parole grame, biasteme e inscè via
• Scancellà roba di pagine senza reson
• Meter dent informazzion false in manera voluda

A bon cunt, i error inn minga de considerà di bordegament (se po dìgh a l'utent de doperà el Sabion per fà i so proeuve e dàgh una man) e nanca el capì no i regole de l'Enciclopedia. Però, se vun che l'è stad avisad el suta a fà robe fallade, o l'è ciar che i fa in malafed, el po vesser considerad un bordegon. Un alter cas l'è quell de voltà i pagine in d'una lengua terza, se vun l'è avisad in automategh del sistema o de vun, a l'è un bordegament de avisà e, in cas, de sanziomà.

I ministrador poden blocà i bordegon in bas ai politeghe de bloch.

Template de avis

I utent poden avisà quei che bordeghen con 'sti template:

• {{Vandalganassa}}, per i cas generai
• {{Yc}}, per quei che suten a bordegà dopo un prim avis
• {{Reclamon}}, per quei che doperen la Wikipedia per fàss reclam
• {{Avis traduzzion}}, per quei che volten i pagine de la Wikipedia in d'una terza lengua
• {{Bloch}}, quand che l'utent a l'è blocad