Piàsa del Foro

Brèsa (en Italià: Brescia; en Lombàrt Ucidentàl: Bressa o Brèscia; Latì: Brixia), l'è 'na cità dèla Lombardia e la g'ha piö o méno 200.000 abitàncc. L'è 'l capolöc de la sò pruvincia e la se tróa ai pè dèle Preàlpi.

La Pruvìncia de Brèsa la cunfìna a èst cól lac de Gàrda e la Pruvìncia de Verùna, a sud-èst có la Pruvìncia de Màntoa, a Sud con chèla de Cremùna, a òvest con Bèrghem, a nort con Sondrio e a nord-est con Trènt .

La cità la se tróa 'n mès a la tèrsa zòna 'ndüstriàl piö grànda de töta Itàlia, gràsie prim de töt a la sò 'ndüstria mecànica e dèle màchine utènsili. Le aziènde iè de sòlit médie o pesène e a gestiù familiàr. Pò a la finànsa la g'ha 'na cèrta 'mportànsa e ànche 'l turìsmo l'è mìa de póc per vìa del Lac de Gàrda, del Lac d'Izé e del turìsmo invernàl endèle zòne de mut de la pruvìncia (Val Camònega, Val Trompia e Val Sàbia). va inanz