Wikipedia:Wikipedia parlada

Quest articol chì l'è scrivud in lombard, con la Noeuva Ortografia Lombarda

La Wikipedia parlada a l'è un proget che 'l met i parolle che gh'è in su la Wikipedia in file audio lensgiud, 'me strument de insegnament o per quei che voeulen o poden nò lensger.

Per registràss, a l'è ben havégh un bon nivell de lombard: regordes che la registrazzion la sarà un bell esempi de la lengua lombarda in su la Red!

Poeu, te consiliom anca de lensger ben la vos prima e, se gh'è di error, de giustai, vist che te gh'heet de lensger la vos 'me l'è scrivuda.

Come fà

Registres a lensger la vos, in d'un ambient senza trop rebellot e cont un bon microfon. Tegn un ton descorsiv, senza vosà ma senza nanca vesser inespressiv
Carega el file in sul Wikimedia Commons e mèt in descrizzion el nom de la vos, l'ID de la darera modifega e 'l to dialet o acent
'Me nom, dagh lmowiki-[nom-vos]-article.ogg. Se l'è una revision pussee inanz de vuna sgiamò registrada, sgiontegh el numer dopo article
Important: mèt el file in la categoria de Commons "Category:Spoken Wikipedia - Lombard"
Fad! Adess te gh'hee domà de sgiontà el file a la pagina

Come meter una registrazzion in di vos

Per meter i vos besogna meter el modell {{Wikipedia parlada}}, cont i indicazzion che gh'è in la pagina.

Ligam util

Vos parlade