Windows 9x
Windows 9x, anca Windows 4.x, a l'è 'na familia de sistema operativ a kernel monolitegh derivaa de quell de MS-DOS, ibrid in tra i 16 e i 32 bit, e cont ona interfaccia grafica, venduu de la Microsoft dal 1995 al 2001 e sènza pu suppòrt dal 2006 e pensaa per el mercaa de l'utent singol.
El gh'ha dent el Windows 95, el Windows 98 e 'l Windows Me.
In del 2001 a l'è staa deciduu de unì i sistema professionai de la familia Windows NT e quej de la familia 9x in d'on unich sistema che l'è staa Windows XP.
Storia Modifega
Pre 95 Modifega
Dal 1985 i sistema Windows eren di interfasc grafich per l'MS-DOS. In del 1990 Windows 3.0 el mett di importànt novità 'me la memoria virtuala e la possibilità de on multitasking pussee bon.
In del 1992 a l'è publegaa Windows 3.1, pussee bon, cont di importànt fonzion pussee de gestion de la memoria del multimedia e cont la necessità de almèn on processor Intel 80286.
In del midemm period la Microsoft la nonzia de vorè unifegà Windows NT e 3.1 in del midemm sistema, ciamaa Cairo. A bon cunt però a l'è deciduu de fàll no finna al rivà de Windows XP.
Windows 95 Modifega
|
Per savenn pussee, varda l'articol Windows 95. |
Windows 95, sortii a agost 1995, l'inseriva 'n interfaccia grafega in del sistema cont ona bona retrocompatibilità cont el vegg sistema a 16 bit.
N'hinn staa relassaa cinch revision different, mittuu direttament in di computer e minga venduu direttament, degià che l'utent comun el podeva doperà i aggiornament.
Windows 98 Modifega
|
|
Per savenn pussee, varda l'articol Windows 98. |
Windows 98 a l'è relassaa a giugn 1998, cont on suppòrt pussee bon a FAT32 e a l'USB e l'integrazion de Internet Explorer in la GUI e in la gestion di directory del sistema.
In del 1999 a l'è relassaa Windows 98 SE, cont la possibilità de compartì la connession a l'Internet in tra pussee computer de 'na LAN.
Windows Me Modifega
|
|
Per savenn pussee, varda l'articol Windows Me. |
A settember 2000 a l'è relassaa Windows Me cont pussee fonzionalità de red e de multimedia. A l'è mittuda la prima version de Windows Movie Maker.
Windows Me a l'è staa pensaa 'me brev version de intermezz in tra Windows 98 e Windows XP. La pupart di sò fonzion a l'éra disponibil cont Windows Update. L'è staa vun di sistema pussee instabil de la Microsoft e l'ha provocaa gran protest in l'utenza.
A l'era la prima version senza la possibilità de fà el boot a DOS.
Declin e fin Modifega
El rivà de Windows 2000 l'ha sistemaa i problema che colpiven l'utent comun de Windows NT 4 'me la mancanza del plug and play e la mancanza di DirectX e l'ha vert la porta al doperà di sistema NT anca in del mercaa comun. In del 2001 el riva in sul mercaa offizialment Windows XP, el primm sistema NT a vèss pensaa sia per i professionista sia per i utent comun.
In del 2004 i sistema 9x a hinn tolt via del mercaa e in del 2006 a l'è tolt via el support a 'sti sistema.
Architettura Modifega
|
|
Per savenn pussee, varda l'articol Architettura de Windows 9x. |
Kernel Modifega
El kernel di Windows 9x a l'era monolitegh e ibrid in tra i 16 e i 32 bit.
El supportava la protezion de la memoria ma sènza protegg el primm megabyte de la memoria utent, che la contegniva del codes critegh e che la faseva crashà el computer se on alter software el scriveva in l'area: A l'era vuna di font de crash pussee important del Windows.
Register Modifega
Rispett al MS-DOS el giontava el Register de Windows, che 'l sostituiva la pupart di file .INI doperaa per i impostazion di software.
El register a l'era faa su di file User.dat e System.dat, in Windows Me a l'è giontaa Classes.dat.
Virtual Machine Manager Modifega
El Virtual Machine Manager a l'è l'è sistema a 32 bit protegiuu, progettaa per creà e gestì di macchin virtual per garantì on multitasking preemptiv in tra i applicazion cont la condivision di resors de la CPU.
El gestiss anca la creazion di ambient a DOS per i applicazion che ne gh'ha de besogn.
Software e file system Modifega
Windows 9x el supporta nativament domà i fìle system de la familia FAT, cont i primm version de Windows 95 senza FAT32. NTFS e HPFS eren no gestii nativament ma a l'éra possibil doperà di sistema per doperàj.
Comé Windows for Workgroups 3.11, grazia a IFSHLP.SYS, a l'era possibil doperà nòmm di file finna a 255 caratter inveci del formaa 8.3.
El permetteva de gestì disch e stampant de red.
Sicurezza Modifega
I sistema Windows 9x a hinn retegnuu a scarsa sicurezza, senza la possibilità de doperà pussee utent e cont on file system pocch robust e sènza protezion per i fìle de sistema.
In Windows 95 e 98, tra l'alter, el capitava despess che i programma de disinstallazion cavassen via i librarij doperaa anca di àlter programma: Per quèst, in Windows Me, a l'è giontaa on sistema de protezion.
Hardware Modifega
El sistema a l'éra progettaa per i sistema Intel e senza support per SATA, hyper-threading, Data Execution Prevention e, finna a Windows Me, i driver USB.
I driver del sistema podeven vess reaj o virtuai e podeven vess eseguii sia in user mode sia in kernel mode, cont el ris'c, per la manera de progett, che on driver scrivuu maa l'avaria poduu sorascriv el kernel e bloccà el sistema.
MS-DOS Modifega
I sistema Windows 9x han redutt el roeul de l'MS-DOS in del sistema, limitaa al bootloader e al suppòrt di driver a 16 bit.
Al boot el DOS el caregava CONFIG.SYS, lanziava COMMAND.COM e AUTOEXEC.BAT e a la fin WIN.COM, che 'l caregava el VMM, i driver, el fermava i cobbi de EMM386 e 'l mandava el sistema in modalità protetta.
A l'éra possibil doperà software DOS sia in d'ona virtualizzazion sia in modalità nativa, che la se avviava cont on reboot del PC in modalità apposta.