Giardin publegh (Milan)
|
Quest articol chì l'è scrivud in lombard, con la Noeuva Ortografia Lombarda |
I giardin publegh, dedicad a l'Indro Montanelli del 2002, inn un parch de Milan, arenta a la Porta Venezzia, inaugurad de la ministrazzion austriega in del 1784 per dàgh un canton per divertìss ai milanes: pussee de precis del 1780 l'arziduca Ferdinand ghe dà l'incaregh al Giuseppe Piermarini de fà de quell spazzi chi, slargad anca di giardin de du monasteri, un spazzi publegh per i citadin, e l'è vert del 1786, con la mercazia per fàll che l'è stada esentada de dazzi e i lavorà che inn stad fad de condanad a la preson a vita.
In del period 1856-1862 l'Isep Balzaret l'ha slargad fina a via Manin cont un proget ispirad al giardin a l'inglesa, scominciad sota i austriegh ma fornid dopo l'unità d'Italia. Del 1881 gh'è stada l'esposizzion nazzionala.
L'è stad doperad per una mota de altra roba, compagn de 'n zoo, in pee de mità 1800 al 1992, e di grand esposizzion. Incoeu gh'è dent el Palazz Dugnan, el Musee Civegh de Storia Natural e 'l Civegh Planetari Ulrico Hoepli. Gh'è anca un poo de monument, compagn del Monument ai Martir del Spielberg, el Monument a l'Indro Montanelli, el Monument al Giuseppe Balzaretto, el Monument al Giuseppe Sirtori, el Monument al Luciano Manara, el Monument a l'Antonio Rosmini, el Monument a l'Antonio Stoppani, el Monument a l'Emilio De Marchi, el Monument al Gaetano Negri, el Monument al Giuseppe Giacosa, el Monument al Filippo Carcano e 'l Monument a l'Ernesto Teodoro Moneta. In del 1862 a l'è piazzada una statua del Porta, che in del 1943 l'è sbatuda sgiò de 'n bombardament.
Bibliografia
Modifega- Francesco Zanetti, Il nuovo Giardino di Milano, Milano, Tipografia Zanetti, 1869. Modell:No ISBN
- Liliana Casieri; Lina Lepera; Anna Sanchioni, Itinerari nel verde a Milano, supervisione botanica: Pia Meda; supervisione farmacognostica: Massimo Rossi; Illustrazioni e impaginazione: Linke Bossi, Consonni, Montobbio, Comune di Milano, settore ecologia, GAV.
- Alma Lanzani Abbà; Pia Meda, Alberi a Milano, fotografie di Gabriele Lanzani et al; illustrazioni di Silvia Rovati, Milano, CLESAV - Cooperativa Libraria Editrice per le Scienze Agrarie, Alimentari e Veterinarie, 1985.
- Virgilio Vercelloni, La storia del paesaggio urbano di Milano, Milano, Officina d'arte grafica Lucini, 1988.
- AA. VV., Enciclopedia di Milano, Milano, Franco Maria Ricci Editore, 1997.
- Vittore e Claudio Buzzi Le vie di Milano, 2005, Milano, Ulrico Hoepli editore.
Alter proget
Modifega
Wikimedia Commons el gh'ha dent imagin o alter archivi su Giardin publegh (Milan)
