Dà l'oli

Quest articol chì l'è scrivud in lombard, con la Noeuva Ortografia Lombarda

El dà l'oli a l'è una pratega spantegada in del cristianesim che la resaliss sgiamò ai temp de la prima gesa indova che se dà de l'oli sacher a quei che gh'hann de besogn, per esempi perchè inn malad.

Un dissegn

In la Gesa catolega a l'è vist 'me un sacrament che se dà a quei che inn tant malad e un temp l'era dada squasi domà vesin a la mort, e l'è bona anca de perdonà i pecad se vun l'ha podud minga confesàss. In la Gesa ortodossa gh'è una vision compagna ma el sacher misteri l'è no reservad per quei con di malatie del corp, ma l'è dad a tucc i fedei che 'l domanden per la cura del corp e de l'anema, e anca lor pensen che 'l perdona i pecad, reson che se l'è possibel gh'è de confessàss prima e poeu el prevet ghe met la soa stola in sul fedel, segn de perdonà in la tradizzion ortodossa. I hussita el consideren un sacrament e istess el val per i anabatista, menter i luteran el consideren pussee un ritual, vision compagna a quella di anglican, che 'l veden 'me vun di sacrament de la gesa e no del Vangeli. In la pupart del moviment evangelich a l'è praticada, con di gese che pensen che l'è bona de curà el fisegh e di alter che la veden domà 'me una cura del spirit.

Anca i mormon, in del consideràss restaverazzionista de la prima gesa, la prateghen: per la Gesa de Gesù Cristo di Sant di Darer Dì a l'è vun di sacrament.

Riferiment

• Treccani

Alter proget

Altri progetti

• Wikiquote
• Wikimedia Commons

• Wikiquote el gh'ha dent citazzion de o su dà l'oli
• Wikimedia Commons el gh'ha dent imagin o alter archivi su dà l'oli