Acqua precipitabil
L’acqua precipitabil a l’è l’altèzza de acqua ind ona colòna de atmosfera, se tutta l’acqua che gh’è in quèlla colòna lì la borlàss giò ‘me pieouva. A l’è misurada in millimeter o pòllez. L’è despèss scurtada con "TPW" ( da la lengua inglesa total precipitable water.)
Misura Modifega
A gh’è divèrsi tipi de tècnich de misura:
- On primm tipo de misura l’è fondà sui misùr de l’irradiazion del sol de dò longhèzz d’onda, vuna ind la gamma de assorbiment de l’acqua, l’altra minga. La colòna de acqua precipitabil l’è determinada cont el valor de l’irradianza in quèj dò gamm chì e la leg del Beer-Lambert.
- L’acqua precipitabil la pò anca vèss calculada per via de l’integrazion di dati di radio-sondagg (umidità relativa, pression e temperadura su tutta l’atmosfera.
- Pòcch decènni fa, l’è stàa sviluppà el sistema cont el uso del Sistèma global de rilevament de la posizion (GPS) [1]
- On quaj laorà l’è stàa svolgiùu per creà di relazion empirich fra l’umidità specifega de la superfice e l’acqua precipitabil (tipicament on svilupp polinomial dal segond al quint oridin). [2][3] [4] Tuttmanch quèll metod chì a l’è minga tant doperàa perché l’umidità a l’è misurada in del sit e l’acqua precipitabil l’è ona misura de tutta la colòna de acqua.
Acqua precipitabil e temporaj Modifega
I valor de acqua precipitabil in deperlor hinn nò util in del prevedè i temporaj, ma gh’hànn de vèss vedù insema cont el indes K e l’indes de sollevament. Tuttmanch di valor pussée piccol de 20 mm hinn nò assèe per el svilupp di temporaj. .[5]
Ligamm de foeura Modifega
- (2000) "Precipitable water column retrieval from GOME data". Geophys. Res. Lett. 27 (6): 903–906. DOI:10.1029/1999GL010897.
- Remote Sensing of Water Vapor From GPS Receivers
Riferiment Modifega
- ↑ Bevis, M. (1992). "GPS Meteorology: Remote Sensing of Atmospheric Water Vapor Using the Global Positioning System". Journal of Geophysical Research 97 (D14): 15787–15801. DOI:10.1029/92JD01517.
- ↑ Liu, Timothy (27 February 1986). "Statistical Relation between Mean Precipitable Water and Surface-Level Humidity over Global Oceans". Monthly Weather Review 114 (8): 1591–1602. DOI:<1591:srbmmp>2.0.co;2 10.1175/1520-0493(1986)114<1591:srbmmp>2.0.co;2.
- ↑ Hsu, S.A. (15 October 1989). "The Relationship Between Total Precipitable Water and Surface-Level Humidity Over the Sea Surface: A Further Evaluation". Journal of Geophysical Research 94 (C10): 14539–14545. DOI:10.1029/JC094iC10p14539.
- ↑ Guangxiong, Peng (17 July 2006). "High-resolution Surface Relative Humidity Computation Using MODIS Image in Peninsular Malaysia". Chinese Geographical Science 16 (3): 260–264. DOI:10.1007/s11769-006-0260-6. Retrieved on 22 January 2014.
- ↑ Gabriele Formentini (2009). Temporali e e Tornado (in italian). Alpha Test, 131. ISBN 978-88-483-0992-9.