Indes de sollevament

Quest articol chì l'è scrivuu in lombard, grafia milanesa.

L’indes de sollevament (LI –"Lifted Index" da la lengua inglesa) a l’è on indes termodinamich che ‘l pò servì ind el prevedè la fòrza di temporaj.

A se calcola inscì:

$LI$ = $T_{500hPa}-T_{p500hPa}$

O ben a l’è la differenza tra la temperadura a la quòta che la soa pression atmosferega l’è 500hPa e la temperadura potenzial a la stèssa quòta (cioè la temperadura che l’avariss ona massa d’aria che la leva su del soeul, se la fudèss portada a quèlla pression là senza scambi de calor- o ben per trasformazion adiabatega)

Interpretazion

Pussè el sò valor l’è bass, pussée la sarà l’instabilità atmosferega con possiblità de fòrt temporaj.

LI	Interpretazion
>2	nessun temporal
0-2	possibilitàa de temporaj isolàa
-2-0	Temporaj puttòst probàbil
-4- -4	possibilitàa de fòrt temporaj
<-6	fòrt temporaj puttòst probabil; possibil tromb d’aria

De soprapù l’è mej se a se consideren insèma i valor del’indes de sollevament (LI) con quèj de l’indes del Showalter (SI).

-	LI>0	LI<0
SI <0	condizion favorevol	condizion favorevol per sollevament sforzàa
SI >0	condizion favorevol se la succed la rottura de l’inversadura tèrmica	Condizion minga favorevol

Gh’è de tutt i maner de regordà che qualsessìa indes deperlù l’è nò assée de prevedè i temporaj, de già che per el svilupp de on temporal la serviss ona spinta iniziàl, o ben l’aria la gh’ha de vèss rusada a levà su per ona quaj reson che la pò vèss:

• frontal, o ben se ‘l riva on front frècc;
• orografica, o ben se l’aria l’è rusada a’nda su quand che el vent l’incontra ona cadèna motagnosa
• per fòrt riscaldament, o ben se l’aria scaldada la ven pussé calda de quella intorna e la va su.